Basqar ýnıversıtette júrgende ózin bolashaǵy úlken syqaqshy-satırık retinde tanytyp, shyǵarmashylyq bıikten kórindi. Sóz ónerinde alǵa sýyrylyp shyǵyp, «Quny joq adam» atty týyndysy úshin Baýbek Bulqyshev atyndaǵy Jastar syılyǵynyń laýreaty atandy. 1980–1990 jyldary ataǵy dúrkirep turǵan «Tamasha» ázil-syqaq teatrynyń belsendi avtoryna aınaldy.
Onyń qaıratkerligi týraly áriptesteri árdaıym tebirene áńgime qozǵaıdy. Ultjandy jýrnalıst 1986 jylǵy Jeltoqsan kóterilisi kezinde jazyqsyz japa shekken qazaq jastaryna qorǵan boldy. Ádildik pen aqıqat úshin kúresti.
Jazǵanynan jazary kóp talantty qalamger Jambyl oblysy Turar Rysqulov aýdanyndaǵy Kókdónen aýylynyń týmasy. Aýdan ortalyǵy – Lýgovoı selosynyń ejelgi ataýy – Qulantaýdyń qaıtarylýyna Basqar Bıtanovtyń sińirgen eńbegi orasan.
Kózden ketse de, kóńilden ketpeıtin asyl azamattyń esimi – el esinde, halyq jadynda. Basqarbek Bıtanov dúnıeden ozǵan soń, týǵan aýyly – Kókdónen aýylyndaǵy kósheniń birine qalamgerdiń aty berildi. Aýdan ortalyǵy – Qulantaý aýylyndaǵy Mádenıet úıinde Basqarbek Bıtanov atyndaǵy ázil-syqaq teatry jumys isteıdi.
Jýyrda Buqaralyq aqparat quraldary qyzmetkerleriniń merekesi qarsańynda Kókdónen aýylynda Basqarbektiń balalyq, jastyq shaǵy ótken úıge memorıaldyq eskertkish taqta ornatyldy. Igi is-sharaǵa Astana, Almaty, Tarazdan kelgen jazýshy-jýrnalıster, Turar Rysqulov aýdanynyń zııaly qaýymy, aýyl turǵyndary qatysty. Osy kúni ómirden erte ozǵan, biraq úlken ister tyndyryp ketken Basqarbek Bıtanovtyń rýhyna arnalyp, quran baǵyshtaldy.
Iá, «Jaqsynyń aty ólmeıdi» degen osy bolsa kerek.
Doqtyrhan TURLYBEK,
jazýshy, Qazaqstannyń eńbek sińirgen qaıratkeri
