Kelisimsharttyń 3-tarmaǵynda taraptardyń quqyqtary men mindetteri anyq jazylǵan. Onyń ishinde kútip ustaý boıynsha jalǵa alýshynyń mindetteri naqty kórsetilgen.
Tarqatar bolsa, jaǵajaıdy abattandyrý men sanıtarlyq qaýipsizdikti qamtamasyz etý, kelisimshartqa sáıkes sharýashylyq qyzmetin júrgizý, kún saıyn kıim aýystyratyn oryndar, dárethanalar, jasyl aımaqtar aýmaǵyn tazalaý, jalǵa alynǵan aýmaqty jaryqtandyrýǵa mindetti.
Sondaı-aq, qoqys jáshikterin sý jıeginen keminde 20 metr qashyqtyqta, ár 60 sharshy metr aýmaqqa bir qoqys jáshigi esebimen ornatý, qaýipsizdik talaptaryn saqtaý (onyń ishinde – aqparattyq bannerler, jalaýshalar jáne t.b. ornatý) jáne keminde 2 sanıtaızer ornatyp, tapshandardy, oryndyqtardy, jabdyqtardy kúnine eki ret dezınfeksııalaý jumystaryn júrgizý kerek.
TÚKSh bóliminiń málimetinshe, búgingi kúni jaǵajaıda senimger basqarýshy kompanııa tarapynan 45 qoqys jáshigi men 10 konteıner ornalastyrylǵan. Tazalyq jumystaryna kúndelikti 30 adam, 2 arnaıy tehnıka jumyldyrylýda. Aýmaqta 3 ájethana ornalasqan. Sondaı-aq qaýipsizdikti saqtaý maqsatynda beınebaqylaý kameralary qoıylǵan, 10-nan astam qutqarýshy qyzmet etedi. Al medısına qyzmetkerleriniń sany – 2-eý. TJB men Polısııa basqarmasynyń mamandary turaqty túrde patrýldeý júrgizýde.
Al №5 jaǵajaıda 6 ájethana (28 bólme), 12 oryndyq 5 jýynatyn jer, 6 kıim aýystyratyn oryn (12 bólme) bar. Aýmaqta 30 dana qoqys jáshigi men 40 bóshke, 25 dana qoqys konteınerleri ornalastyrylǵan. Bul jaǵajaıda jasandy ıntellektimen jumys isteıtin beınebaqylaý kameralary qoıylǵan.
Almaty oblysy
