Palata spıkeri dıplomatty elshi bolyp taǵaıyndalýymen quttyqtaı kele, Japonııa Qazaqstannyń Azııa-Tynyq muhıty óńirindegi mańyzdy seriktesteriniń biri ekenin atap ótti. Búginde eki el arasynda barlyq deńgeıde tyǵyz saıası qarym-qatynas ornady. Ekonomıkalyq ózara is-qımyl da belsendi damyp, ýaqyt ótken saıyn mádenı-gýmanıtarlyq baılanystar nyǵaıyp keledi.
Sondaı-aq M.Áshimbaev Japonııa Parlamentiniń Qazaqstanmen dostyq lıgasy Qazaqstan-Japonııa seriktestigin jandandyrýǵa eleýli úles qosqanyna nazar aýdardy jáne eki eldiń parlamentaralyq yntymaqtastyǵyn odan ári arttyra túsýdiń mańyzdy ekenin tilge tıek etti.
«Biz Japonııamen dástúrli dostyq qarym-qatynasymyzdy árdaıym joǵary baǵalaımyz. Prezıdent Qasym-Jomart Toqaev atap ótkendeı, Qazaqstan men Japonııanyń arasy alys bolǵanymen, dostyǵymyz berik. Dıplomatııalyq baılanys ornaǵaly beri elderimiz arasyndaǵy yntymaqtastyq keńeıtilgen strategııalyq seriktestik deńgeıine jetti. Bizdiń memleketterimizdiń jahandyq jáne óńirlik kún tártibindegi kóptegen másele boıynsha ustanymdary sáıkes keletinin aıryqsha atap ótken jón. Parlamentaralyq yntymaqtastyqty nyǵaıtýǵa da úlken kóńil bólip otyrmyz. Biz sizderdiń elderińizdegi zań shyǵarý qyzmetine, onyń ishinde áleýmettik-ekonomıkalyq jáne ınnovasııalyq damýdy quqyqtyq turǵydan qamtamasyz etý salasyna qatysty tájirıbe almasýǵa múddelimiz. Aldaǵy ýaqytta japonııalyq áriptesterimizben osy baǵytta birlesip jumys isteýge daıynbyz», dep M.Áshimbaev «Ortalyq Azııa + Japonııa» dıaloginiń tabysty qyzmeti jóninde aıtty.
Sonymen qatar taraptar saýda-ekonomıkalyq jáne ınvestısııalyq yntymaqtastyq, ekologııa, sondaı-aq basqa da salalardaǵy birlesken bastamalardy iske asyrý máselelerin talqylady. Atap aıtqanda, ulttyq ekonomıkany dekarbonızasııalaýdy odan ári ilgeriletý jáne jasyl ekonomıkaǵa kóshý jónindegi jobalarǵa erekshe mán berildi.
Kezdesý barysynda suhbattasýshylar qazirgideı zamanaýı syn-qaterler beleń alǵan kezeńde rýhanı dıplomatııany dáripteýdiń mańyzyna qatysty da pikir almasty. Bul rette Senat tóraǵasy bıylǵy qyrkúıekte ótetin Álemdik jáne dástúrli dinder kóshbasshylarynyń VIII sezine daıyndyq barysyna jáne osy baǵyttaǵy basqa da is-sharalarǵa toqtaldy.
О́z kezeginde Iа.Iıdjıma Qazaqstannyń Japonııamen yntymaqtastyǵyn odan ári nyǵaıtýǵa jáne mańyzdy bastamalardy birlesip iske asyrýǵa múddeli ekenin jetkizdi.
