Foto: theguardian.com/
Bul sýretti The Guardian-nyń arnaıy redaksııalyq toby tańdap alǵan, osylaısha Aqtaýdaǵy festıvaldiń bir kórinisi dúnıejúzinen iriktelip alynǵan úzdik fotosýretterdiń qataryna endi. Bul otandyq qolóner men mádenıettiń álemdik deńgeıde tanylyp kele jatqanynyń bir dáleli. Fotonyń avtory - túrik fotografy Elkın Eskıpehlıvan.
Eske salsaq, 28-29 maýsym kúnderi Aqtaý qalasynda «Dalamen úndes baba óner» halyqaralyq festıvali ótti. Oǵan elimizben qatar shet memleketterden kelgen qolónershiler qatysyp, týyndylaryn usyndy. Festıval aıasynda jármeńkeler, kórmeler, sheberlik sabaqtary uıymdastyrylyp, meımandar ulttyq salt-dástúrlermen tanysty.
Festıvaldiń basty maqsaty - dástúrli ónerdi nasıhattaý, óskeleń urpaq boıyna ulttyq qundylyqtardy sińirý jáne qazaq qolóneriniń halyqaralyq arenadaǵy bedelin arttyrý.
