Buǵan deıingi eski jeliler júktemeni kótere almaı, jıi óshýler oryn alatyn. Máseleni sheshý úshin Beskólden Aqshıge deıin 56 shaqyrymǵa sozylǵan 110 kVt elektr jelisi tartylyp, 32 MVt qýat shyǵaratyn jańa stansııa salyndy. Qajettilik ázirge 10 MVt shamasynda, ıaǵnı joba bolashaqty da qamtıdy.
Kásipkerlerdiń aıtýynsha, bul jańalyq demalýshylarǵa yńǵaıly jaǵdaı jasaýǵa múmkindik berdi. Kondısıoner, boıler sııaqty qurylǵylardy kedergisiz paıdalanýǵa bolady.
Sondaı-aq, Aqshı aýylynda káriz júıesi tolyqtaı jańartylyp, 69,7 shaqyrym jeli tartylǵan. Qazir tazartý qurylǵysynyń qurylysy júrip jatyr. Nysan 2026 jyly aıaqtalady dep josparlanǵan. Tazartylǵan sý kógaldandyrýǵa jumsalmaq.
Internet sapasy da jaqsaryp keledi. Jaǵalaýda 16 bazalyq stansııa jumys isteıdi, optıkalyq jeli tartylyp, týrıstik nysandar kezeń-kezeńimen qosylyp jatyr.
