Daily Mail basylymynyń jazýynsha, dıetolog Feı Djeıms birinshi kezekte tamaqtaný mázirin alýan túrli etýdi usynady. Maman dıetaǵa otyrmaı-aq, paıdaly taǵamdardy kóbirek tutyný arqyly zııandy ónimderden bas tartýǵa bolatynyn aıtady. Iаǵnı, as mázirine kókónis pen kók shópti, túrli dándi daqyl men balyqtyń ár túrin qosqan jón.
Sondaı-aq ol qandaǵy qant mólsheriniń kúrt kóterilýin boldyrmas úshin árbir tamaqtaný kezinde aqýyzǵa baı ónimderdi paıdalanýǵa keńes beredi. Sebebi taǵam quramynda aqýyz, maı, kómirsý men talshyq bolsa, aǵzadaǵy glıýkoza deńgeıi birqalypty bolady.
«Jas kóriný úshin aǵzadaǵy jasýshanyń qýat sózi sanalatyn mıtohondrııanyń durys jumys isteýine áser etetin taǵamdardy tutyný kerek. Oǵan kók shóp, asqabaq dáni, maıly balyq, jıdekter, záıtún maıy, kók shaı, brokkolı jáne ózge de qyryqqabat tuqymdas kókónister jatady», - deıdi maman.
Dıetologtyń pikirinshe, jalǵyz qatań shekteý - jartylaı daıyn ónimderden tolyqtaı bas tartý. Ol tipti kúndelikti tutynatyn nandy da ózi pisiretinin aıtady.
Sonymen qatar jas kórinýdiń mańyzdy faktory retinde turaqty fızıkalyq belsendilikti atap ótý kerek. Onyń ishinde kúsh jattyǵýlarynyń bolýy erekshe mańyzdy.
