Osylaıshv №4 qalalyq klınıkalyq aýrýhanaǵa erli-zaıypty jup jedel túrde, biriniń artynan biri tústi. Ekeýine de «jiti mıokard ınfarkti» dıagnozy qoıyldy. Aldymen 67 jastaǵy Qalıbek Apýov maýsymnyń 20-synda óte aýyr jaǵdaıda jetkiziledi. Júrek tusy qatty aýyryp,, entigý men jalpy álsizdik sııaqty belgiler bilinedi. Osydan keıin úsh kúnnen soń, joldasynyń ómiri úshin qatty ýaıymdap, kúızeliske túsken 66 jastaǵy jubaıy Baqtygúl Kenjahmetova da dál sol aýrýhanaǵa jatqyzylady.
- Mıokard ınfarkti - ár sekýnd mańyzdy shuǵyl jaǵdaı. Naýqas neǵurlym erte bilikti medısınalyq kómek alsa, júrek bulshyqetin saqtap qalý men asqynýdyń aldyn alý múmkindigi soǵurlym joǵary bolmaq. «Altyn ýaqyt» - alǵashqy birneshe saǵat. Bizdiń pasıentterimizdiń jaǵdaıynda em ýaqtyly bastalyp, bul - oń nátıjege bastady, - deıdi №4 aýrýhananyń kardıoreanımasııa bólimshesiniń reanımatolog dárigeri Samat Tasbolat.
Eki naýqasqa da shuǵyl túrde dıagnostıkalyq koronarografııa men stentteý jasaldy. Bul zaqymdanǵan arterııalardaǵy qan aınalymyn qalpyna keltirip, ınfarktyń qaýipti saldaryn boldyrmaýǵa múmkindik berdi.
- Joldasymnyń jaǵdaıy óte aýyr boldy, qatty qoryqtym. Kúndiz-túni ýaıymdap júrip, ózim de aýyryp qaldym. Ekeýmiz de júrek tamyrlaryna ota jasattyq, qazir ózimizdi áldeqaıda jaqsy sezinip otyrmyz. Búgin birge úıge shyǵamyz. Eshkimdi aýrýhanada jalǵyz qaldyrmaıdy eken. Dárigerlerge bizdi qutqaryp qalǵany úshin, qamqorlyǵy men yqylasy úshin shyn júrekten alǵys aıtamyz, - dep alǵysyn bildirdi Baqtygúl Kenjahmetova.
Mıokard ınfarkti - júrekke qan jetkizip turǵan arterııanyń kenetten bitelýinen bolady. Bul kóbine aterosklerozdyq túıinshek pen trombtyń túzilýine baılanysty. Ýaqtyly medısınalyq kómeksiz júrek bulshyqetiniń qaıtymsyz zaqymdanýy nemese ólim oryn alýy múmkin.
Almatylyq erli-zaıyptylarlyń basynan ótken jaǵdaı - kásibı shuǵyl kómek pen adamı janashyrlyqtyń qanshalyqty mańyzdy ekenin kórsetetin tamasha mysal. Sonymen №4 qalalyq klınıkalyq aýrýhananyń aıtýly mamandary tek eki júrekti ǵana emes, tolyq bir otbasyn aman alyp qaldy.
