Qaıǵyly oqıǵa 6 shilde kúni otbasymen demalýǵa kelgen Májilis depýtaty Baqytbek Bazarbektiń kóz aldynda bolǵan.
Jaǵajaıdaǵy kýágerlerdiń aıtýynsha, áıeldi sýdan shyǵaryp, alǵashqy kómek kórsetýge tyrysqanmen, ony aman alyp qalý esh múmkin bolmaǵan.
Jaǵajaıda bolǵan Májilis depýtaty Baqytjan Bazarbek nysannyń qaýipsizdik talaptaryna saı kelmeıtinin, aýmaqta qutqarýshylar men dáriger, beınebaqylaý men qutqarý quraldary qarastyrylmaǵanyn ashyna aıtty. Sonymen qatar bul jer telimi jeke kásipkerge jalǵa berilgen, alaıda ıesi kireberiske shlagbaým ornatyp, aqy alýmen ǵana shektelgen.
Depýtat bul jaǵdaıǵa baılanysty tıisti organdarǵa suraý salyp, jaǵajaı ıesiniń kim ekenin anyqtap, jaýaptylardy zań aldynda jaýapqa tartýdy talap etetinin jetkizdi.
Qaıǵyly jaıtqa baılanysty Almaty oblysy polısııa departamenti jaýap berip, tergeý jumystary bastalǵanyn málimdedi.
«Oqıǵanyń barlyq mán-jaıyn anyqtaýǵa baǵyttalǵan sotqa deıingi tergeý júrgizilip jatyr. Polısııa demalys aımaǵynda qutqarý quraldarynyń, kezekshi qutqarýshylardyń bar-joǵyn, sondaı-aq nysannyń qaýipsizdik talaptaryna sáıkestigin tekserip jatyr. Qaıtys bolǵan azamatshanyń týystary men jaqyndaryna kóńil aıtamyz», dep málimdedi vedomstvo ókilderi.
Almaty oblysy
