2014 jyly tamyz aıynda konkýrstan ǵımarat qurylysyn júrgizýdi «Syl» jaýapkershiligi shekteýli seriktestigi utyp alady. Qurylysty júrgizý úshin 826 614 334,56 teńgege kelisim jasalady. Qurylys 2015 jylǵy tamyzda aıaqtalýy tıis bolatyn. Tenderde kórsetken yqpaly úshin Maqsut Qalıev 13 mıllıon teńgeni 1 tamyz kúni «Premium Palac» meıramhanasy janynda merdiger kásiporyn dırektorynan aldy. Biraq tutyldy.
Osylaı halyqtyń mańdaı terimen jıylǵan qazynanyń qarjysyn tý-talaqaı etkenderge de bir tosylý bar eken. Memlekettik qyzmet jáne sybaılas jemqorlyqqa qarsy is-qımyl agenttigi Qostanaı oblysy boıynsha departamentiniń jedel-tergeý toby aldymen Maqsut Qalıevti jáne Gagık Ovnanıandy, odan bir kúnnen keıin Qostanaı qalasy ákiminiń taǵy bir orynbasary Frýnzık Arakelıandy osy iske qatysy bar degen kúdikpen jumys ústinde ustady. Ákimdiktiń basqa qyzmetkerlerinen jaýap alyndy. Maqsut Qalıev Qylmystyq kodekstiń 366-babynyń 3-bóliminiń 3-tarmaǵy boıynsha asa iri kólemde para alǵany úshin, Gagık Ovnanıan 367-baptyń 3-bóliminiń 2-tarmaǵy boıynsha asa iri kólemde para bergeni úshin aıyptalady. Qostanaı qalasy ákiminiń orynbasary Maqsut Qalıev pen oǵan para bergen «Syl» kásipornynyń dırektory Gagık Ovnanıan sot sanksııasymen eki aıǵa qamaýǵa alyndy.
Názıra JÁRIMBETOVA, «Egemen Qazaqstan».
QOSTANAI.
