Foto: Májilistiń Baspasóz qyzmeti
Kanaldyń jabdyqtary 50 jyldan astam ýaqyt boıy úzdiksiz paıdalanylyp, ábden tozǵan. Osyǵan baılanysty energetıkalyq jáne gıdromehanıkalyq júıelerdi qaıta jańǵyrtý jumystary qolǵa alynyp, №1 sorǵy stansııasynyń rekonstrýksııasy bastaldy. Sonymen qatar, 2025 jyly bes jańa sorǵy agregaty jetkiziledi dep kútilýde. Bul maqsatta «Ýralgıdromash» AQ-men kelisimshart jasalǵan. Jalpy alǵanda, 2028 jylǵa deıin 19 dana gıdrojabdyqty aýystyrý josparlanǵan.
«Qanysh Sátbaev atyndaǵy kanal – Ortalyq Qazaqstan úshin negizgi sý arnasy. Ol Pavlodar, Qaraǵandy, Aqmola oblystary men Astana qalasynyń eldimekenderin jánemkásiporyndaryn aýyzmsýmen qamtamasyz etedi. Bul – shynymen de biregeı ári strategııalyq mańyzy bar nysan. Alaıda uzaq jyldar boıy sheshimin tappaı kele jatqan mańyzdy másele bar. Jabdyqtardyń 90 paıyzdan astamy tozǵan, keıbir sorǵy agregattaryn shuǵyl aýystyrý qajet. Mysaly, bıyl jáne kelesi jyly quny shamamen 11 mıllıard teńge bolatyn bes sorǵy agregatyn aýystyrý josparlanǵan. Qarajattyń bir bóligi bólindi, alaıda bul jetkiliksiz. Taǵy 14 sorǵy úshin qosymsha qarjy qajet», dedi V.Kım.
Nurjan Áshimbetov ótken jyly №2 stansııada oryn alǵan iri apatty eske salyp, bul jaǵdaı jabdyqtardy shuǵyl jańǵyrtýdy qajet etkenin aıtty.
«Pavlodar jáne Qaraǵandy oblystarynan saılanǵan segizinshi shaqyrylym depýtattarynyń bastamasymen bul másele respýblıkalyq deńgeıde kóterildi. Búginde kanaldyń rekonstrýksııasyna bıýdjetten 12 mıllıard teńgeden astam qarajat bólindi», dedi depýtat Nurjan Áshimbetov.
Depýtat Jarqynbek Amantaıdyń sózinshe, kanal sýy tek ónerkásip pen aýyl sharýashylyǵyn ǵana emes, sondaı-aq elordanyń sý tapshylyǵy máselesin de sheshýge yqpal etedi. Májilis depýtattary jobanyń júzege asyrylýyn jáne onyń turaqty qarjylandyrylýyn qatań baqylaýda ustaıtyndaryn málimdedi.
