Dástúrge aınalǵan sapar aıasynda «Jibek Joly» týrıstik poıyzy osymen besinshi márte jolǵa shyǵyp otyr. Osyǵan deıingi maýsymdarda týrǵa myńnan astam týrıst qatysqan. Poıyz jańa, jaıly, otandyq óndiristen shyqqan vagondardan quralǵan. Ishi ulttyq naqyshtaǵy dástúrli oıý-órnektermen bezendirilgen. 5 vagony bar. ( 4 kýpe jáne 1 meıramhana vagony). Baǵyt Qazaqstan men О́zbekstannyń mádenı jáne tarıhı ortalyqtaryn qamtıdy. Alty kún ishinde týr qatysýshylary Qoja Ahmet Iаsaýı kesenesi, Otyrar qalashyǵy, Buharadaǵy Ark qamaly men Lıabı-Haýz alańy, Samarqandtaǵy Ámir Temir kesenesi men Regıstan alańy, Tashkenttegi Tóle bı kesenesi men Hazret Imam memorıaldyq kesheni sııaqty iri sáýlet jáne tarıhı eskertkishterdi aralaıdy.
Týrıstik paket qunyna poıyzben jol júrý, kásibı gıdtermen birge júretin týrıstik baǵdarlama, ekskýrsııalar men týroperatorlar uıymdastyrǵan transferler kiredi. Týrıstik poıyz QTJ kompanııasynyń bastamasymen, «О́zbekstan temir joldary», QR Týrızm komıteti, Kólik mınıstrligi jáne Kazakh Tourism qoldaýymen uıymdastyrylǵan. «Jibek Joly» týrıstik poıyzyn iske qosý – temirjol týrızmin damytý jolyndaǵy mańyzdy qadam. Ol Qazaqstan men О́zbekstan arasyndaǵy mádenı baılanysty nyǵaıtyp, óńirdiń tarıhı murasyn keńinen nasıhattaýǵa yqpal etedi.
