Batys óńirde joǵarǵy qysym alabynyń áserinen ystyq ári ashyq aýa raıy kútiledi. Al Qazaqstannyń qalǵan aýmaǵynda atmosferalyq frontaldi bólikterdiń ótýimen jańbyr jaýyp, naızaǵaı oınaıdy. Ortalyqta, 10-11 shilde kúnderi ońtústik-shyǵysta, 11-12 shildede soltústik pen shyǵysta qatty jańbyr, burshaq jáne daýyl bolady dep boljanýda. Respýblıka boıynsha jeldiń kúsheıýi kútiledi.
Kúndiz respýblıkanyń batysy men ońtústik-batysynda óte qatty aptap ystyq – 40-44 gradýs bolady. Soltústik óńirlerde kúndizgi temperatýra 22-27 gradýstan 17-23 gradýsqa deıin tómendeıdi. Shyǵysta temperatýra negizinen 20-28 gradýs jyly bolady. Ońtústikte aýa temperatýrasy 25-37 gradýstan 38-43 gradýsqa deıin birtindep joǵarylaıdy. Ońtústik-shyǵysta kúndiz termometr baǵandary 25-30 gradýs jylyny kórsetedi.
