Foto: Densaýlyq saqtaý mınıstrligi
Almaty onkologııalyq ortalyǵynda hımıoterapııalyq preparattardy daıyndaıtyn robottandyrylǵan júıe – KiroOncology engizildi. Bul júıe buǵan deıin Eýropa men AQSh-tyń medısınalyq mekemelerinde qoldanylǵan. Bul – Qazaqstanda mundaı tehnologııany alǵash ret paıdalaný, onkologııalyq tájirıbede avtomattandyrý men qaýipsizdikti arttyrý jolyndaǵy aıtýly oqıǵa ekendigin atap ótken jón.
Sonymen bul robottyń qolynan ne keledi, múmkindigi qandaı degen saýalǵa toqtalatyn bolsaq, robottandyrylǵan qurylǵy ózdiginen preparattardyń dozasyn dál esepteıdi. Oǵan qosa 360 gradýstyq kamera men keskin bazasy arqyly dári-dármekti anyqtaıdy. Shtrıhkodtardy tekserip, komponentterdi aralastyrýǵa deıin jáne keıin ólsheıdi. Adam aralaspasa da dozalaý men irikteýde qatelikter jibermeıdi. Paıdalanylǵan materıaldardy ózdiginen joıa otyryp, adamnyń qaýipti zattarmen janasýyn barynsha azaıtady.
Bul tehnologııa buryn dári-dármekterdi qolmen daıyndaý barysynda sıtotoksıkalyq zattarmen baılanysqa túsýge májbúr bolǵan medısınalyq qyzmetkerler úshin qaýip, zııandy aıtarlyqtaı tómendetedi.
KiroOncology roboty eki mehanıkalyq manıpýlıatormen jabdyqtalǵan, olar preparattardy flakondarǵa quıý, aralastyrý prosesin atqarady. Prosess aıaqtalǵannan keıin qurylǵy paıdalanylǵan bótelkeler men shprısterdi hımıoterapııa qaldyqtaryn qolǵa ustamaı-aq, avtomatty túrde tyǵyzdalatyn germetıkalyq konteınerde joıady.
Almaty Onkologııalyq ortalyǵyndaǵy qosymsha tehnologııalarǵa toqtala ketetin bolsaq, osy robottan basqa, KiroLink platformasynda Kiro Assist júıesimen jabdyqtalǵan BiOptima IT II klasty qaýipsizdik lamınarlyq bokstary da paıdalanylady. Bul bokstar sıtostatıkalyq preparattardy qolmen suıyltýǵa múmkindik beredi, biraq baqylaý kezeńderin saqtaı otyryp, preparatty sáıkestendirý, shtrıh-kodty tekserý, ólsheý, vızýaldy baqylaý, qujattaý jumystaryn dál oryndaıdy.
Almaty Onkologııalyq ortalyǵyndaǵy qosymsha tehnologııalarǵa toqtala ketetin bolsaq, osy robottan basqa, KiroLink platformasynda Kiro Assist júıesimen jabdyqtalǵan BiOptima IT II klasty qaýipsizdik lamınarlyq bokstary da paıdalanylady. Bul bokstar sıtostatıkalyq preparattardy qolmen suıyltýǵa múmkindik beredi, biraq baqylaý kezeńderin saqtaı otyryp, preparatty sáıkestendirý, shtrıh-kodty tekserý, ólsheý, vızýaldy baqylaý, qujattaý jumystaryn dál oryndaıdy.
Degenmen kóptegen onkologııalyq mekemelerde hımıopreparattar áli de ádettegideı, lamınarlyq shkafta daıyndalady, bul qyzmetkerler úshin de, naýqastar úshin de qaýipti.
Al joǵarydaǵydaı robottandyrylǵan júıeni engizý – bul tek tehnologııalyq jańalyq emes, sonymen qatar Qazaqstandaǵy onkologııalyq kómektiń qaýipsizdigin, dáldigi men zamanaýılyǵyn arttyrý jolyndaǵy mańyzdy qadam.
Al joǵarydaǵydaı robottandyrylǵan júıeni engizý – bul tek tehnologııalyq jańalyq emes, sonymen qatar Qazaqstandaǵy onkologııalyq kómektiń qaýipsizdigin, dáldigi men zamanaýılyǵyn arttyrý jolyndaǵy mańyzdy qadam.
