Foto: Ashyq derekkóz
Kósh basynda – AQSh. Maýsym aıynyń basynda eldiń altyn qory 8,1 myń tonnaǵa jetip, bul kórsetkish boıynsha birinshi oryndy saqtap qalǵan. Onyń 4,6 myń tonnasy Kentýkkıdegi áıgili Fort-Noks qoımasynda saqtalǵan.
Ekinshi orynda – Germanııa. Eldiń qory 3,35 myń tonna dep baǵalanǵan. Alaıda sońǵy jyldary Berlın altyndy belsendi túrde sata bastaǵandyqtan, bul kólem 100 tonnaǵa qysqarǵan.
Úshinshi oryn – Italııa (2,45 myń tonna), al tórtinshi oryn – Fransııaǵa tıesili (2,43 myń tonna). Fransııanyń altyn qory 2009 jyldan beri ózgermegen.
Besinshi orynda – Qytaı, onda da 2,43 myń tonna altyn bar. Reseı altyn kólemi boıynsha altynshy orynda. Eldiń naqty kórsetkishi resmı túrde jarııalanbasa da, Bloomberg agenttigi Reseıdiń qorynda 2,33 myń tonna altyn baryn habarlaǵan.
Al úzdik ondyqty myna elder túıindeıdi:
- Shveısarııa – 1,04 myń tonna;
- Úndistan – 880 tonna;
- Japonııa – 845,97 tonna;
- Túrkııa – 623,92 tonna.
