Foto: Sý resýrstary jáne ırrıgasııa mınıstrligi
Oblys ákimdikteri qazirgi ýaqytta 19 gıdrotehnıkalyq nysanǵa kópfaktorly zertteý jumystaryn júrgizip jatyr. Búginde Aqmola, Mańǵystaý, Pavlodar oblystaryndaǵy úsh nysanda jumystar aıaqtalsa, ShQO, BQO, SQO aýmaqtarynda zertteý jalǵasyp jatyr.
Sý salasyn damytýdyń keshendi jospary sheńberinde bıyl ákimdikter Aqmola, Aqtóbe, Almaty, Jambyl, Shyǵys Qazaqstan, Batys Qazaqstan, Qostanaı, Mańǵystaý, Pavlodar, Soltústik Qazaqstan, ıaǵnı 10 oblysta 105 gıdrotehnıkalyq nysandy zertteýdi josparlap otyr.
Sý resýrstary jáne ırrıgasııa vıse-mınıstri Erbolat Ibraıhanovtyń aıtýynsha jalpy 2028 jyldyń sońyna deıin 557 gıdrotehnıkalyq nysanǵa zertteý júrgizý josparlanǵan.
«Kópfaktorly zertteý obektiniń jáne onyń jabdyqtarynyń tehnıkalyq jaǵdaıyn, sondaı-aq qajet bolatyn jóndeý jumystarynyń kólemi men túrlerin naqtylaýǵa múmkindik beredi. Byltyr sala mınıstrligi 14 oblysta 84 nysanda kópfaktorly zertteý júrgizdi. Bul josparlanǵannan da artyq», dedi E.Ibraıhanov.
