Foto: Ekologııa jáne tabıǵı resýrstar mınıstrligi
Atalǵan ekochellendj tabıǵatty saqtaýda ár adamnyń úlesiniń mańyzdy ekenin eske salýǵa baǵyttalǵan. Aǵash otyrǵyzý, bir rettik plastıkten bas tartý, qoqys jınaý, sý aıdyndarynyń tazalyǵyn saqtap, balalardyń boıyna ekologııalyq mádenıetti sińirý sekildi kúndelikti qarapaıym áreketterdiń ózi ekologııalyq jaǵdaıdy jaqsartý men qorshaǵan ortaǵa jaýapkershilikpen qaraýdy qalyptastyrý jolynda mańyzdy ról atqaratyny málim.
«Barlyq azamattardy, qoǵamdyq uıymdardy, volonterlerdi jáne eko-aktıvısterdi chellendjdi qoldaýǵa shaqyramyz. Qatysý úshin ekologııaǵa paıdaly is-áreketti jasap jatqan sátińizde (máselen qoqysty suryptaý, velosıpedpen júrý, senbilikke qatysý, aǵash otyrǵyzý nemese kúndelikti ómirde ekologııalyq sanaly áreketter jasaý) sýretke túsip, onymen áleýmettik jelilerde bólisý qajet. Eń bastysy – fotosýret sizdiń jeke belsendiligińiz ben tabıǵatqa degen qamqorlyǵyńyzdy kórsetýi kerek. Chellendjdi qoldap, tabıǵatqa jasaǵan ıgi isterińizben bólisip, aınalańyzǵa úlgi bolyńyz! Tabıǵı baılyǵymyzdy óskeleń urpaqqa birge saqtap qalaıyq», delingen Ekologııa jáne tabıǵı resýrstar mınıstrliginiń habarlamasynda.
