Bul baıqaý – tek úlgili otbasylardy marapattaý ǵana emes, sonymen qatar birligi jarasqan, berekeli shańyraqtardy kópshilikke tanytyp, óskeleń urpaqqa ónege etýdiń jarqyn úlgisi.
El Prezıdenti beıbitshilik pen damýdyń bastaýy – otbasyndaǵy tárbıe, kóshedegi tazalyq, qoǵamdaǵy birlik ekenin únemi aıtyp keledi. Árbir berekeli otbasy – el bolashaǵynyń kepili. Sondyqtan bul baıqaýdyń máni tereń, mańyzy zor.
Búgin dara shyqqan otbasylar – tek óz áýletteriniń ǵana emes, barsha oblys jurtshylyǵyna úlgi, qazaq eliniń maqtanyshy»,– dedi óńir basshysy marapattaý rásiminde sóılegen sózinde.
«Mereıli otbasy» ulttyq konkýrsy óńirlik kezeńiniń qorytyndysy boıynsha úshinshi oryndy Daýylbaevtar (Talas aýdany) jáne Shaıhıevter (Merki aýdany) otbasy ıelendi. Ekinshi oryn Omarovtar (Moıynqum aýdany) men Abdýalıevterdiń (Jýaly aýdany) shańyraǵyna buıyrdy. Birinshi oryn Álimbetovter otbasyna (Baızaq aýdany) tabystaldy. Bas júldeni Bektasovtar áýleti jeńip aldy.
Baıqaýda top jarǵan otbasylar – ulaǵatty urpaq tárbıelep, óńirdiń áleýmettik-ekonomıkalyq damýyna súbeli úles qosyp keledi. Olardyń arasynda temirsholshylar, jumysshy mamandar, kásipkerler men sharýalar, bilim jáne mádenıet salasynyń maıtalmandary bar. Jeńimpazdarǵa qarjylaı sertıfıkat tabystaldy (Bas júlde – 700 myń, I oryn – 600 myń, II oryn – 500 myń, III oryn – 400 myń).
Tabıǵat Musylmanqul, Jambyl oblysy
