Foto: FK «Qaırat»
«Qaırattyń» qarsylasy - fınlıandııalyq KýPS komandasy. Kezdesý Kýopıo qalasyndaǵy «Vıare Arena» alańynda bolady.
Mańyzdy match 20: 00-de bastalady. «Qaırat» - KýPS oıynyn «Qazsport» telearnasy tikeleı efırden kórsetedi.
KýPS komandasy týraly ne bilemiz?
1923 jyly 16 naýryzda qurylǵan. Ǵasyrdan astam tarıhynda 7 ret Fınlıandııa chempıony atanyp, 5 ret el kýbogin jeńip alǵan. «KýPS» eýrokýboktardyń irikteý kezeńderiniń turaqty qatysýshysy. Dese de buǵan deıin ÝEFA týrnırleriniń toptyq kezeńinde óner kórsetpegen.
Qazaqstandyq jankúıerler «KýPS» komandasyn 2021/2022 maýsymyndaǵy «Astanamen» kezdesý arqyly tanıdy. ÝEFA konferens-lıgasynyń irikteý kezeńinde Fınlıandııa quramasy Astanada ótken birinshi oıynda 0:1 esebimen jeńilgenimen, keıin óz alańynda 4:3 esebimen jeńiske jetken bolatyn. Osylaıshaǵ KýPS qazaqstandyq klýbty týrnır jolynan shyǵaryp jibergen. Bul quramda áli kúnge deıin KýPS-te oınaıtyn eki oıynshy: qaqpashy Iohannes Kreıdl jáne jartylaı qorǵaýshy Artý Haınonen bar. Ekeýi de Qazaqstan quramasyna qarsy taǵy da alańǵa shyǵýy ábden múmkin.
