Foto: Shutterstock.com
О́ndiristik aımaqtarda jaraqat alýdyń eń joǵary deńgeı Qaraǵandy oblysynda tirkelgen. Bul oblysta jartyjyldyqta 61 adam jumysta jaraqat alǵan. ShQO-da – 50 adam, Pavlodar oblysynda – 44 adam, Atyraý oblysynda – 40 adam, Aqtóbe oblysynda – 39 adam zardap shekken. Sondaı-aq, Almaty qalasynda 51 adam zardap shekken.
Ekonomıkanyń salalary boıynsha eń kóp zardap shekkender taý-ken metallýrgııa kesheniniń ónerkásipterinde – 18,1 % jáne qurylys salasynda – 9,2% anyqtalyp otyr.
Jazataıym oqıǵaǵa kim jazyqty?
Mınıstrlik qaıǵyly oqıǵaǵa soqtyratyn basty sebepti óndiristegi jumystyń tıisti deńgeıde uıymdastyrylmaýy (34,6%) dep atady. Sondaı-aq, jábirlenýshi óziniń óreskel abaısyzdyǵynan bolǵan oqıǵalar kórsetkishi - 32,9%, jol qozǵalysy erejelerin buzý - 8,6%, eńbek qaýipsizdigi jáne eńbekti qorǵaý erejelerin buzý - 7,1 paıyzǵa jetken.
Eńbekti qorǵaý faktileriniń buzylýshylyqtary boıynsha quqyq qorǵaý organdaryna jazataıym oqıǵalardy tergeýdiń 439 materıaly jiberilgen. Sonyń negizinde 139 qylmystyq is qozǵalǵan.
Jaraqat almaýdyń joly qaısy?
Úkimet pen jaýapty vedomostvo óndiristegi jazataıym oqıǵalardyń aldyn alý jolynda keshendi jumystardy qolǵa alǵan.
Profılaktıka men buzýshylyqtyń aldyn alý maqsatynda elimizdiń 3262 kásiporny qaýipsizdik pen eńbekti qorǵaý standarttaryn engizgen.
2019 jyldan bastap Mınıstrlik tarapynan «Nóldik jaraqat - Vision Zero» tujyrymdamasyn jetildirý boıynsha belsendi jumys atqarylyp jatyr. Oǵan búginde 605 kásiporyn qosylǵan.
Qurylys obektilerinde bas merdigerdiń obektidegi eńbek qaýipsizdigi máseleleri boıynsha barlyq qosalqy merdigerlerge jaýapkershiligi, qadaǵalaýyn kózdeıtin baqylaýdyń tikeleı modelin engizý boıynsha jumys jalǵasyp jatyr. Bul baqylaý modelin respýblıkanyń 318 kásiporny engizgen.
Sonymen qatar, «Onlaın eńbek konsýltanty» elektrondy servısi iske qosylǵan. Ol jumysker men jumys berýshiniń arasynda qashyqtyqtan ózara árekettesýdi qamtamasyz etý úshin eńbek zańnamasy saqtalýynyń tıimdiligin arttyrýǵa múmkindik beredi. Servıs jumys berýshiniń eńbekti qorǵaý talaptarynyń saqtalýyn ózindik tekserýden ótýin qarastyrady. Servıs iske qosylǵaly beri 42 977 jumys berýshi ony paıdalanǵan.
