Foto: yandex.kz
Eńbek jáne halyqty áleýmettik qorǵaý birinshi vıse-mınıstri Asqarbek Ertaevtyń aıtýynsha memlekettik qoldaýlardy sıfrlandyrýdaǵy basty maqsat – kómektiń naqty muqtaj otbasylarǵa berilýin qadaǵalaý.
«Munda 6 klaster belgilengen. Máselen, tótenshe qajettilik, jáı qajettilik, salystyrmaly turaqtylyq dep kete beredi. Eń sońǵy 6-klaster mundaı kómekke muqtaj emes otbasylar sanatyn bildiredi, ıaǵnı, joǵary ál-aýqatty dep aıqyndalady da, olar memlekettik qoldaýdy almaıdy. Sondyqtan mundaǵy ózgerister tek memlekettik qosymsha qoldaýǵa qatysty jasalyp jatyr», dep jaýap berdi ol.
Ony Premer-mınıstrdiń orynbasary Ermek Kósherbaev tolyqtyrdy. Ol mundaǵy maqsat – eń birinshi áleýmettik ádildikti ornatý, ekinshi áleýmettik alaıaqtyqty toqtatý ekenin atap ótti.
«О́zińiz bilesiz, bizde memlekettik organdar bar, ortalyq nemese jergilikti organdar bolsyn sıfrlandyrý aıaǵyna deıin jetkizilmegen. Kimniń ne istep jatqanyn bazasy arqyly teksere almaımyz. Kóp nárseni qaǵazben alyp keledi. Ony joba boıynsha teksergende birqatar máseleler anyqtalyp jatady. Mysaly, bir otbasy jaǵdaıy qıyn dep sanalyp, jergilikti bıýdjetten, ortalyq bıýdjetten jáne saqtandyrý qorynan da aqsha alyp otyrǵan. Al ony qalaı istegen? Áýelde ony bireý «úıi joq, mashınasy joq, kóp balaly otbasy» dep jazyp bergen. Ony aparyp HQKO arqyly tirkegen. Al sıfrlandyrý júrip birte-birte derekter bazasy bir birine qosylǵanda olardyń eki qabatty úıi bar, eki mashınasy bar ekeni anyqtalǵan. Kóptegen turmystyq tehnıka alǵan nesıeleri bolǵan. Mine, mundaǵy maqsat osyndaı jaǵdaılarǵa jol bermeý, sıfrlandyrý jáne sol aqyly ońtaılandyra otyryp, alaıaqtyqqa bol bermeý», dedi vıse-premer.
