Baǵban sýdy daıyn krannan almaıdy. Belesebetine minip qalanyń irgesindegi jasandy sýqoımasynan tasıdy.
«Bir barǵanda 5 lıtrlik 5-6 quty sý ákelemin. Úıge kelip turǵan sýdyń quramynda hlor bolady, ol – ósimdikke zııan. Bes jyldan beri gúl ósirýmen aınalysyp kelemin. Turǵan jeriniń taza, jınaqy bolǵany bárine jaqsy ǵoı. Jan-jaǵyma kishkene bolsa da tıgizgen paıdam bolsyn dep óz qolymmen ekken gúlder ǵoı, anadaıdan jaıqalyp turǵanyn kórip kóz qýanady», deıdi Mahambet Imanqul.
Turǵynnyń aıtýynsha, Arqalyqta ózi sııaqty gúl ósiretin adamdar barshylyq. Máselen, Abaı dańǵyly boıyndaǵy 50-úıdiń turǵyndary da aýlasyn tap-tuınaqtaı etip, gúl ósirip, kópke úlgi kórsetip otyr. Ásirese Jańylaı Ahmetova, Tatıana Dýtkovskaıa sııaqty zeınetkerler úıleriniń aınalasyn gúldendirip, jaınatyp otyr.
«Adamnyń aınalasy taza bolsa, boıy da, oıy da sergek bolady. «Taza Qazaqstan» ekologııalyq baǵdarlamasynyń basty maqsaty da – osy ǵoı. Qazir jurttyń kóbi tabıǵat aldyndaǵy jaýapkershilikti sezinip, ózi turyp jatqan jerdi taza ustaıtyn boldy. Jalpy, tazalyqqa kóz úırengen jaqsy ǵoı», deıdi baǵban.
Qostanaı oblysy
