Prezıdent • 29 Shilde, 2025

Memleket basshysy Orzax Group basqarma tóraǵasyn qabyldady

20 ret

kórsetildi

1 mın

oqý úshin

Memleket basshysy Orzax Group basqarma tóraǵasy Selman Alımoǵlyny qabyldady. Álemdegi bıologııalyq belsendi qospalar naryǵynda kóshbasshylardyń biri sanalatyn kompanııa basshylyǵymen kezdesýde birlesken jobalardy júzege asyrý máselesi qarastyryldy, dep habarlaıdy Egemen.kz Aqordanyń baspasóz qyzmetine silteme jasap.

Shyńǵys MUQAEV

Memleket basshysy Orzax Group basqarma tóraǵasyn qabyldady

Foto: Aqorda

Qasym-Jomart Toqaev Orzax Group kompanııasynyń Túrkistan oblysynda bıologııalyq belsendi qospalar óndiretin zaýyt salý sheshimine qoldaý bildirip, bul bastama otandyq farmasevtıka salasyn ártaraptandyrýǵa jáne elimizdiń eksporttyq áleýetin arttyrýǵa eleýli úles qosatynyn atap ótti.

О́z kezeginde Selman Alımoǵly kompanııanyń Qazaqstanda óndiristik bazany keńeıtýmen ǵana shektelmeı, ǵylymı-zertteý jáne ınnovasııa baǵyttaryn da damytýǵa nıetti ekenin jetkizdi.

Búgingi tańda Orzax Group bıologııalyq belsendi qospalardyń 150 túrin óndirip, álemniń 60 eline eksporttaıdy. Qazaqstandaǵy óndiris jobasyna kompanııa 40 mıllıon dollar ınvestısııa quıyp, 500 adamdy turaqty jumyspen qamtýdy josparlap otyr.