Jalpyulttyq jaýapkershilik

Qyzylordaǵa barǵan senatorlar qala ákimi Nurjan Ahatovpen birge bir­qa­tar qalalyq nysandy, onyń ishinde Pre­­zı­dent saıabaǵyn, «Qorqyt ata» alleıa­­syn, Mem­le­ket­tik rámiz­der ala­ńyn aralady. Bul nysan­dar­dyń aý­maǵy Memleket bas­shysynyń jaıly qa­la ortasyn qalyptastyrý jónindegi tap­syr­masy aıasynda abattandyrylǵan edi.

Depýtattar jańartylǵan kóshe­lerdi, baqtar men kópqabatty úıler­­diń aýlalaryn, sport jáne oıyn alań­daryn, sondaı-aq jer­gi­likti kásip­ker­­ler­diń qoldaýy­men jańarǵan tur­ǵyn úı ǵımarat­tarynyń qasbetterin kór­di. Keıingi úsh jylda 400-den asa joba júzege asyp, oblys ortalyǵyn kógal­dandyrý men ınfraqurylymdy jaq­sar­tý boıynsha keshendi jumystar jasal­ǵany atap ótildi.

Senatorlar Prezıdenttiń bastamasy boıynsha júzege asqan «Taza Qazaqstan» ekologııalyq is-sharasy búginde jalpyulttyq sıpatqa ıe bol­­­ǵa­nyn atap ótti. Ol mańyzdy tár­bıe­lik máni zor ári qoǵamdy ynty­maq­qa uıystyratyn qadam bolyp otyr.

«Memleket basshysynyń bas­tamalary jergilikti jerlerde naqty júzege asqanyn Qyzylorda qalasynan kórip otyrmyz. Osy baǵyttaǵy júıe­li jumys jalǵasa bererine, oblys ekologııalyq turaqtylyq pen abattandyrý ortalyǵynyń úlgisi retinde damı túsetinine senimdimiz», dedi senator N.Baıqadamov.

Depýtat R.Rústemov bıznestiń áleý­mettik jaýapkershiligi asa mańyz­dy ekenine nazar aýdardy. Sonyń arqasynda oblysta 80-nen asa sport nysany salynyp, ondaǵan turǵyn úıdiń qasbet­teri jóndelgen. Senatorlar Memleket basshy­synyń tapsyrmalary óńirde sapaly júzege asyp jatqanyn atap ótti. Ár istiń tıim­diligi joǵary ekenine jáne jergilikti tur­ǵyn­dardan qoldaý taýyp otyrǵanyna kýá boldy.

Elordadaǵy «Úmit» daǵ­darys ortalyǵyna bas suqqan depýtat A.Lýkın mekeme­niń ujymymen jáne qamqor­lyq­qa bólengen jandarmen kezdesip, olardyń ómir súrý jaǵ­daıymen, kórsetiletin áleý­mettik jáne medısınalyq qyz­met­ter aýqymymen tanysty. Bas­qosýda zardap shekkenderdi qorǵaýdyń zań­nama­lyq jáne ınstıtýsıonaldyq tetikterin jetildirý, salalyq mekemeler arasyndaǵy úılestirýdi kúsheıtý, sondaı-aq qaıtalanǵan zorlyq-zom­bylyq jaǵdaılary­nyń aldyn alý­da tıimdilikti arttyrý másele­­leri talqylandy. Depýtat byltyr áıel­der men balalarǵa qatysty zor­lyq-zom­bylyq kórset­kenderge jazany qatań­datý, aldyn alý shara­la­ryn keńeıtý, son­daı-aq aza­mat­tar­dyń osal sanattaryn quqyq­­tyq qor­ǵaýdy kúsheıtý týraly ma­ńyz­­dy zań qabyldanǵanyn aıtty.

Depýtat jumys sapary aıasynda elor­da­lyq «Saryarqa» aýdany­nyń aktı­vi­men de kezdesti. Áleý­mettik-ekono­mı­ka­lyq damý­dyń ózekti máseleleri, onyń ishinde úı mańyndaǵy aýmaqtardy abat­­­tandyrý, turǵyn úı-kom­mýnaldyq qyz­­­metterdiń sapasyn jaqsartý, qala tur­­­ǵyn­daryna medı­sına­lyq kómek pen bilim berý ınfra­qu­ry­lymynyń qolje­tim­­­­di­ligi talqy­laý­dyń negizgi taqy­ryby bol­d­y.

Senator Memleket basshy­synyń bas­tamasymen júzege asyp jatqan «Taza Qazaqstan» is-sharasy eko­­lo­gııa­­lyq mádenıetti qalyp­tas­ty­rýǵa, abat­tandyrý máselelerin sheshýge jáne azamattardyń ómir súrý sapa­syn jaq­sartýǵa yqpal etetin mańyzdy birik­tirýshi fak­torǵa aınalǵanyn atap ótti.

«Taza Qazaqstan» memlekettik organ­dar­dyń, jurtshylyq pen qara­paıym azamat­tar­dyń kúsh-jigerin birik­tire otyryp, shyn máninde jalpy­ulttyq sıpatqa ıe bolyp otyr. Bul qorshaǵan ortaǵa jaýapkershilikpen qaraý­­dy qalyp­tastyrýdyń jáne eli­miz­diń bola­shaǵy úshin ortaq jaýap­ker­shi­lik sezimin kúsheı­týdiń mańyzdy qu­ra­ly», dep atap ótti A.Lýkın.