Kollaj kursiv.media
Onyń aıtýynsha, atalǵan zań ózgerisi turǵyn úı satyp alýshylarǵa teris áser etpeıdi.
«Bizde turǵyn úı quny naryqtyq ádistermen retteledi. Alaıda, jeke qurylysshylardan turǵyn úı satyp alatyn tapsyrys berýshi retinde memlekettiń aralasýy 10 jyl ishinde óziniń tıisti áserin berip keledi. Bizde turǵyn úı baǵasy qatty qymbat emes. Men «bıznes» nemese «elıta» klass segmentin emes, ekonom klastaǵy turǵyn úıdi aıtyp otyrmyn. Onyń baǵasy ózine laıyq, Biz munda baǵanyń kúrt ózgeristerge ushyrap jatqanyn kórip otyrǵan joqpyz. Jańa Salyq kodeksiniń qabyldanýyna baılanysty iri qurylys kompanııalary bıznesti bólshektep, úlken paıda tabatyn tájirıbe joıylatyn bolady», dedi Roman Sklıar.
Sonymen qatar, vıse-premerdiń málimetinshe, bıyl Qazaqstanda 19 mıllıon sharshy metrden astam turǵyn úı paıdalanýǵa beriledi.
Ol turǵyn úı quny jobalaý-smetalyq qujattarǵa jáne memleket tarapynan áleýmettik sanattaǵy azamattarǵa usynylatyn baǵdarlamalarǵa baılanysty qalyptasatynyn atap ótti. Mysaly, «Baqytty otbasy» nemese «Naýryz Jumysker» sekildi baǵdarlamalar osy sanatqa jatady.
