Atalǵan bastama qoǵamdyq ınfraqurylymdy jaqsartýǵa, kóshe jaryǵyn ornatýǵa jáne eldi mekenderdiń kórki men sanıtarlyq jaǵdaıyn arttyrýǵa baǵyttalǵan. Sonyń ishinde aryq júıelerin salý jumystary da qarqyndy júrgizilýde.
Máselen, Aqsý aýdany Qapal aýylynda 2 shaqyrym, Eskeldi aýdany Aqyn Sara aýylynda 5,5 shaqyrym, Kerbulaq aýdany Taldybulaq aýylynda 2,6 shaqyrym, al Taldyqorǵan qalasynda 7,4 shaqyrym aryq jelisi salynady.
Bul ıgi isti jergilikti turǵyndar da oń qabyldaýda. Eskeldi aýdany, Aqyn Sara aýylynyń turǵyny Nurtileý Ibragımov atqarylyp jatqan jumystarǵa rızashylyǵyn bildirdi:
— Men osy aýylda turyp kele jatqanyma elý jyldan asty. Keńes zamanynda keıbir kóshelerde aryq bolǵanymen, keıin isten shyqqan edi. Qazir kósheler abattandyrylyp, halyqtyń ıgiligine jaraıtyn aryqtar salynyp jatqanyna qýanyshtymyz, – deıdi aýyl aqsaqaly.
Ekologııalyq mańyzy zor bul joba aýyl ómiriniń sapasyn arttyrýǵa oń áserin tıgizetini sózsiz.
