Polısııa málimetinshe, aýyl turǵyndary óz kúshimen ornatqan temir qubyrdan jasalǵan qaqpa tıisti túrde bekitilmegen. Qaýipsizdik talaptaryna saı kelmeıtin bul alań men qurylǵylar eshbir memlekettik balansqa tirkelmegen.
- Qaýipsizdik talaptarynyń saqtalmaýyna baılanysty aýdan ákiminiń atyna tıisti nusqama joldandy. Onda qaýipsiz ári talapqa saı fýtbol alańyn uıymdastyrý qajettigi kórsetildi, – delingen oblystyq polısııa departamentiniń habarlamasynda.
Zardap shekken bala jabyq bas súıek-mı jaraqatyn alyp, mıy shaıqalǵan jáne jaq súıeginen jaraqat alǵan. Qazir ol Pavlodar oblystyq balalar aýrýhanasynyń travmatologııa bóliminde em qabyldap jatyr.
Polısııa bala jaraqat alǵan ýaqytta ata-anasynyń tarapynan tıisti baqylaý bolmaǵanyn aıtyp, olardy ákimshilik jaýapkershilikke tartqan.
- Kámeletke tolmaǵan balanyń qaýipsizdigin qamtamasyz etý jónindegi mindetterin oryndamaǵany úshin onyń zańdy ókilderine aıyppul salyndy, – delingen vedomstvo habarlamasynda.
