Qala turǵyny lısenzııasyz jumys istep, Binance jáne TotalCoin platformalary arqyly sıfrlyq aktıvterdi satyp alýmen jáne satýmen aınalysqan. Osylaısha, ol 1,5 jyl ishinde 144 mln teńgeden astam tabys tapqan.
О́skemen qalalyq № 2 sotynyń málimetine súıensek, aıyptalýshy eki krıptobırjanyń mobıldi qosymshasyn júktep, verıfıkasııadan ótken. Jalǵan esimdermen tirkelip, klıentterden tapsyrys qabyldaı bastaǵan. Ol operasııalardy Bitcoin, USDT, Litecoin syndy krıptovalıýtalar arqyly júrgizip, aqshany óziniń jáne tanystarynyń banktik shottarynan sheship otyrdy.
Tergeý barysynda azamattyń Qazaqstanda halyqaralyq «Astana» qarjy ortalyǵynyń sheginen tys jerlerde qamtamasyz etilmegen sıfrlyq aktıvtermen kez kelgen operasııa jasaýǵa tyıym salynǵanyn bilgeni anyqtaldy. Soǵan qaramastan aıyptalýshy qyzmetin toqtatpaǵan jáne ony zańdastyrýǵa áreket jasamaǵan.
— Sonymen qatar ol birneshe tanysynan bankte shot ashýdy surap, shynaıy maqsatyn jasyrǵan. Keıin bul shottar arqyly klıentterdiń qarajattary aýdarylyp otyrǵan. Al klıentter operasııalardyń zańsyz ekeninen múlde beıhabar boldy. Sot sheshimimen aıyptalýshy 2 jyl 6 aı merzimge bostandyǵyn shekteldi, — delingen aqparatta.
Aıta keteıik, sottalýshy bul sheshimmen kelispeı, apellıasııalyq shaǵym túsirgen.
