Etnomedıasııa – tatýlyqqa bastar jol

Sáýir aıynda ótken Qazaq­stan halqy Assambleıasy­nyń HHHIV sessııasynda Prezıdent Qasym-Jomart Toqaev ultara­lyq keli­sim men tu­raq­tylyqty nyǵaıtý mem­lekettik saıasattyń bas­ty baǵyttarynyń biri eke­nin atap kórsete otyryp: «Máde­nıet jáne aqparat, Ishki ister, Ádilet mınıstrlikteri múddeli memlekettik organdarmen, Astana, Almaty, Shym­kent qalalarynyń jáne oblys­tardyń ákimderimen birle­­sip, Qazaqstan halqy Assam­bleıasynyń etnomedıasııa sala­syn­daǵy jumy­syna jan-jaqty qoldaý kór­set­sin, «Eldesý jáne tatýlasý» jobasynyń aýqymyn keńeıtsin», dep tapsyrma berdi.

Osy oraıda Mańǵystaý oblysynda etnomedıasııa baǵy­tyn­da birqatar joba qolǵa alyn­­dy. Solardyń biri – «Assam­­bleıa. Parlament. Máslı­­hat» jobasy. Bul boıynsha Mań­ǵystaý oblystyq máslı­haty Qazaqstan halqy Assam­­­bleıasymen tyǵyz baılanysta jumys istep jatyr. Atalǵan joba aıasynda oblys, aýdan, qala depýtattarynan QHA-nyń depýtat­tyq toby qury­lyp, josparǵa sáıkes qabyldaý­ júrgizilip keledi. Qabyl­daýda depýtattarmen birge etnomedıatorlar da ju­mys isteıdi. Sebebi depýtat­tar­dyń qabyldaýyna aryz-sha­ǵymmen kelgen tur­ǵyn­dardyń etnos­aralyq qaty­nastarǵa qatysy zerde­lenip otyrady.

Taǵy bir aıta keterligi, bıyl Aqtaý qalasynyń túrki áleminiń mádenı astanasy bolyp belgilenýine oraı, Mańǵystaý oblysynyń etnomedıasııasyn damytý jáne sheteldegi árip­t­estermen tájirıbe almasý jumystary da josparlanǵan. Bul rette Almaty qala­synda Ulttyq qaýipsizdik komı­teti akademııasy bazasynda 2024 jyldyń 23–27 jeltoqsany aralyǵynda ótken kýrsta 2 etnomedıator biliktiligin arttyrsa, 23–27 maýsym aralyǵynda taǵy da 4 etnomedıator óz biliktiligin shyń­dady. Odan bólek, bıyl taǵy da etnomedıatorlardyń biliktiligin arttyrý maqsatynda 28 shilde men 8 tamyz araly­ǵynda 30 etnomedıator jalpy jáne arnaıy kýrstardan ótip, «Para­sat» medıasııa jáne quqyq orta­lyǵynyń sertıfıkatyn aldy.

QHA-nyń 13 jobasynyń biri – «Eldesý jáne tatýlasý» jobasy boıynsha jer­gilikti quqyq qorǵaý organdarymen tyǵyz baılanysta jumys istep kelemiz. Osy oraıda 23 mamyr kúni Qazaqstan halqy Assam­bleıasynyń 30 jyldyǵyna oraı Mańǵystaý oblysy ákiminiń orynbasary, oblystyq máslı­hat jáne etnomedıasııa keńe­siniń tóraǵasy, Mańǵystaý ob­lys­tyq prokýratýra, sot jáne bilim basqarmasy, Mańǵystaý oblysynyń kásipkerler palatasy, oblystyq polısııa departamenti, Mańǵys­taý oblysy Qazaqstan halqy Assamb­leıasynyń qurylymdary, etnome­dıatorlar, máslıhat depýtat­tary, saıası partııalar, Assambleıa jas­tary qatys­qan dóńgelek ústel ótkizilip, Mańǵystaý oblystyq Etnome­dıasııa keńesi men Mańǵystaý oblysynyń «Atameken» kásip­ker­l­er palatasynyń jáne «Qoǵam­dyq kelisim» mekemesi men oblystyq bilim basqarma­sy­nyń arasynda jasalǵan memo­randýmdarǵa qol qoıyldy.

Árıne, Assambleıanyń barlyq baǵyty mańyzdy, sebebi olardyń árqaı­sy­synda halyqtyń tarıhy, abyroıy men qadir-qasıeti kórinis tabady. Al etnomedıatorlardyń tarıhı jadyny saqtaýshy ári kelisim men beıbitshilik mádenıetin qalyptastyra alatyn, ótkendi shynaıy túsiný men mádenı alýandylyqty qurmetteýge negizdelgen dáneker tulǵalar retindegi róli erekshe.

Prezıdenttiń «Basty mindet – Qazaqstan halqynyń tatý­lyǵy men aýyz­bir­shiligin, mem­leketimizdiń tutastyǵy men kıeli Táýelsizdigimizdi nyǵaıtý», dep atap kórsetkenindeı, Qazaqstan halqy Assambleıasynyń bıylǵy sessııasynda berilgen tapsyrmalardy basshylyqqa ala oty­ryp, quqyqtyq memleket qalyp­­tastyrý, aǵartýshylyq qyzmet, qaqty­ǵys­tardyń aldyn alý jáne árbir azamatty qoǵamdyq kelisimdi nyǵaıtý úderisine tartý arqyly tatýlyq pen aýyzbirlik jolyn­daǵy qyzmetimizdi jal­ǵastyra beremiz.

Jańbyrbaı MATAEV,

Mańǵystaý oblystyq máslıhatynyń tóraǵasy, QHA medıasııa keńesiniń tóraǵasy