Foto: Úkimet, telegram
Qarjy mınıstrliginiń málimetinshe, bastama anyqtamalyqtardyń qaıtalanýyn joıýǵa jáne saýda, keden, memlekettik satyp alý, bıýdjetti josparlaý jáne atqarý sııaqty salalarda taýarlar úshin biryńǵaı sıfrlyq etalon qurýǵa baǵyttalǵan. Katalog taýardy óndirýshiden sońǵy tutynýshyǵa deıin baqylaýǵa, jaramdylyq merzimin baqylaýǵa jáne kontrafaktimen kúresýge múmkindik beredi.
Búginde úsh deńgeıli jikteý júıesi qurylyp jatyr, olar: joǵarǵy deńgeı – josparlaý jáne statıstıka maqsattary úshin, negizgi deńgeı – óndirýshiler týraly egjeı-tegjeıli aqparat, tómengi deńgeı – partııalar men birlik ónimderin tańbalaý.
UTK MDQ qalyptastyrý sheńberinde barlyq negizgi derekter kózderin birtindep qosý júrgiziledi. Bul bólshek saýdagerler men saýda jelileri, elektrondyq saýda alańdary, fıskaldyq derekter operatorlary, baqylaý-kassalyq mashınalar, sondaı-aq memlekettik jáne kedendik aqparattyq júıeler, elektrondyq shot faktýralar jáne taýardy esepke alý júıeleri.
Úkimettiń baspasóz qyzmetiniń málimdeýinshe Erjan Birjanov Ulttyq katalogty qoldaný 2026 jyldyń 1 qańtarynan bastap mindetti bolatynyn aıtty. Saýda qyzmeti týraly tıisti zańǵa qol qoıyldy, baqylaý-kassalyq mashınalarda NTIN/GTIN kodtaryn qoldaný erejeleri bekitildi. Búgingi jaǵdaı boıynsha bazada 15 mln taýar týraly aqparat bar, al oǵan kún saıyn 10 mln-nan astam chek boıynsha málimetter kelip túsedi.
Ulttyq taýarlar katalogy bıýdjetti josparlaý júıesi, keden, elektrondyq shot-faktýralar (EShF), bólshek saýda jelileri, fıskaldyq derekter operatorlary (FDO), baqylaý-kassa mashınalary (BKM), taýardy esepke alý júıeleri jáne elektrondyq saýda alańdary sııaqty negizgi memlekettik jáne kommersııalyq aqparattyq júıelermen ıntegrasııalanyp jatyr.
