Foto: Úkimet, telegram
Dmıtrıı Mýnnyń aıtýynsha ınternetke qol jetkizý qıyn dep belgilengen 6 myń eldi meken bar, búginde 2,5 myńnan astamy ınternetpen qamtamasyz etilgen.
«Qazaqtelekom» kompanııasymen qol qoıylǵan kelisimniń nátıjesinde biz eki jyl boıy barlyq qalǵan aýyldardy qosyp, jetýi qıyn aýyldardy qamtýdyń 90%-dan astamyna qol jetkizýge tıispiz. Sondaı-aq Starlink jáne OneWeb spýtnıkteri arqyly aýyldardy ınternetke qosý jumystary júrgizilip jatyr», dedi D.Mýn.
«Qazaqtelekom» kompanııasynyń basqarma tóraǵasynyń m.a. Abylaıhan Ospanov jańa jobanyń iske qosylýy týraly aıtyp berdi.
«Biz «Aýyl online» jobasyn ázirledik jáne 3 myń aýyldy joǵary jyldamdyqty ınternetke qosý boıynsha mindettemeler júkteldi. Osy jumystyń nátıjesinde bólingen eldi mekenderde baılanys sapasyn jaqsartý kózdelgen», dep atap ótti A.Ospanov.
Onyń aıtýynsha, jýyrda kompanııanyń saıtynda osy eldi mekenderdiń tizimi ornalastyrylady. Bul jumystardy tıimdi júrgizý úshin oblystyń ár ákimimen memorandýmdarǵa qol qoıylady.
