Foto: ashyq derekkózden
R.Berdenovtiń jeke basyn jaqtyrmaý sebebimen jeńil mas kúıinde bolǵan sottalýshy ańshylyq qarýdy alyp, ákimdik ǵımaratynyń mańyna barǵan.
Sol jerde E. Jıembaı R. Berdenovtiń shyqqanyn kútken. Keshki toǵyzǵa jaqyn ýaqytta ákim orynbasarynyń ǵımarattan shyǵyp kele jatqanyn kórgen sottalýshy, myltyǵymen qasyna júgirip kelip, qasaqana qazaǵa ushyratý maqsatymen bes ret oq atqan. Shabýyldan R. Berdenov aýyr dene jaraqattaryn alǵan.
R. Berdenovtiń qulaǵanyna kóz jetkizgen E. Jıembaı ómirdi qııatyn sońǵy oq atýǵa áreket jasaǵan, alaıda oǵy taýsylyp, qarý atylmaı qalǵan. Osydan keıin jaraly R. Berdenovpen kúres bastalyp ketken. Sol kezde E. Jıembaı qolynan myltyǵyn túsirip alǵan.
Bul sátte ákimdikke tıesili júrgizýshiniń biri qyzmettik kólikpen E. Jıembaıdy qaǵyp ketken. Osylaısha adamdy quqyqqa qarsy qasaqana qazaǵa ushyratý qylmystyq is-áreketin toqtatady.
Sot barysynda qylmysqa ıtermelegen motıvte anyqtaldy.
Aıyptalýshy men jábirlenýshi arasyndaǵy jaǵdaıǵa jeke basty jaqtyrmaý motıvi sebep bolǵan. Alaıda E. Jıembaı birden radıkaldy tásilge baryp, nátıjesinde adamdy qasaqana óltire jazdaǵan.
Al aıyptalýshy E. Jıembaı óz kinásin tolyq moıyndaǵan. Aıyptalýshy R. Berdenovke qarsy qylmysqa jeke basyn jaqtyrmaý sebebinen barǵanyn rastady.
Ernar Jıembaı tarapy faktilerdi teriske shyǵarmaǵan.
Jalpy alǵanda E. Jıembaıǵa qatysty prosess Shymkent qalasynyń Qylmystyq ister jónindegi mamandandyrylǵan aýdanaralyq sotynda qalypty qylmystyq is júrgizý sheńberinde ashyq rejımde jáne BAQ ókilderiniń qatysýymen ótip jatyr.
