foto: Ulysmedia
Zeınetker óz shaǵymynda 10 jyldan astam ýaqyt jalǵyz turatynyn kórsetken. Oǵan bir uly ǵana habarlasyp turǵan. Al ózge balalary men nemeresi eshqandaı materıaldyq, moraldyq qoldaý kórsetpegen. Zeınetkerdiń densaýlyǵy men materıaldyq jaǵdaıy nasharlaǵan.
Sottyń deregine súıensek, «Neke (erli-zaıyptylyq) jáne otbasy týraly» kodekstiń 145-babynyń 1-tarmaǵyna sáıkes kámeletke tolǵan, eńbekke qabiletti balalar kómekke muqtaj ári eńbekke jaramsyz ata-anasyn asyraýǵa, olarǵa qamqorlyq jasaýǵa mindetti ekeni kórsetilgen. Kodekstiń 153-babyna sáıkes, kómekke muqtaj, eńbekke jaramsyz atalar men ájeler ózderiniń kámeletke tolǵan eńbekke qabiletti balalarynan nemese jubaıynan (burynǵy jubaıynan) alıment alý múmkin bolmaǵan jaǵdaıda, eńbekke qabiletti kámeletke tolǵan nemerelerinen alıment alýdy sot tártibimen talap etýge quqyly.
Atyraý qalalyq soty taraptardyń árqaısysynyń materıaldyq jáne otbasylyq jaǵdaıyna taldaý jasady. Zeınetkerdiń talaptary ishinara qanaǵattandyrýǵa jatady degen qorytyndyǵa keldi.
Sot zeınetkerdiń tamaǵy men dári-dármegi úshin 8 balasynyń árqaısysynan jáne nemeresinen 3 aılyq eseptik kórsetkish mólsherinde alıment óndirdi.
Sot sheshimi zańdy kúshine engen joq.
