Abaı óleńderin oqý arqyly jas óskinniń bilimge qushtarlyǵyn arttyryp, oqý qabiletterin, sóıleý mánerin jetildirip, sózdik qoryn baıytýdy maqsat etken poezııa sabaǵy oqýshylardyń suraq-jaýaby men shyǵarmashylyq kórinisterine ulasty. Aqynnyń bozbala shaǵy tartymdy ári mazmundy beınelenip, kórermenderin tebirentti. Mektep kitaphanasynyń meńgerýshisi Bıbigúl Dosjanova men Aıaýlym Bakalova uıytqy bolǵan ádebı keshke qatysqan oqýshylar hakim óleńi men qarasózderin oqýda alǵyrlyq tanytýmen qatar, beınebaıandaryn tartý etti.
«Asyl sózdi izdeseń,
Abaıdy oqy, erinbe.
Adamdyqty kózdeseń,
Jattap, toqy kóńilge»,
degen Sultanmahmut Toraıǵyrulynyń óleń joldarymen túıindeldi.
«Uly aqynnyń óleńderin oqý arqyly óskeleń urpaqtyń boıyna adamgershiliktiń, izgiliktiń, meıirim men qaıyrymnyń dáni egiledi. Búgingi aqparattyq tehnologııalar aǵymynda ómir súrip jatqan jastarǵa Abaı shyǵarmalaryn nasıhattaý arqyly ulttyq tálim-tárbıeni sińirip, tanym kókjıegin keńeıtýdiń mańyzy zor. Sondyqtan da mundaı mazmundy is-sharalar aýdan mektepterin túgel qamtyp, jas býynnyń belsene atsalysýyna basa nazar aýdarylýda», – deıdi Ile aýdandyq bilim bóliminiń basshysy Araılym Aqsýbaıqyzy.
Almaty oblysy
