FIRST LEGO League Asia Open Championship atty bul baıqaý robototehnıka, ǵylymı zertteýler men ınnovasııalyq jobalar salasyndaǵy Azııadaǵy eń iri alańǵa aınaldy. Álemniń 30-dan astam elinen kelgen 500-den astam komanda men 12 myńnan astam qatysýshy jınaldy. Bıylǵy jarystyń taqyryby «Sý asty álemin zertteý».
Ulttyq quramaǵa Shymkent, Almaty qalalarynan, sondaı-aq Túrkistan jáne Qyzylorda oblystarynan oqýshylar endi. Barlyǵy da el ishindegi irikteý kezeńderinen súrinbeı ótip, ınjenerlik, baǵdarlamalaý boıynsha joǵary daıyndyqtaryn dáleldedi.
Nátıjesinde Leas oqý ortalyǵynyń tárbıelenýshileri (6–10 jas) jáne Oral qalasynyń Oqýshylar saraıynyń «Subsquad» komandasy (10–16 jas) qola medalge ıe boldy. Munan keıin jeti mektep úzdikteri tóreshilerdiń arnaýly júldesimen marapattaldy.
«Búginde elimizde 300 myńnan astam oqýshyǵa arnalǵan jańa formattaǵy 128 mektep salyndy. «Keleshek mektepteriniń» zamanaýı STEM-zerthanalarmen jabdyqtalýy – ár óńirdegi oqýshylardyń ınjenerlik ári ǵylymı áleýetin damytýǵa jol ashty. Nátıjesinde, olar halyqaralyq deńgeıde básekege qabiletti mamandar retinde qalyptasyp keledi», deıdi Oqý-aǵartý mınıstrliginiń resmı ókili Mereke Amangeldiqyzy.
