Foto: EHÁQM
Baıqaý jyl saıyn eki kezeńde – oblystyq jáne respýblıkalyq deńgeıde, úsh nomınasııa boıynsha ótkiziledi:
«Úzdik eńbek áýleti» – eńbek ótili eń uzaq, marapaty eń kóp áýlet tańdalady.
«Jumys isteıtin jastardyń úzdik tálimgeri» – jumys ótili keminde 20 jyl, joǵary tıimdi jumys isteıtin tálimger tańdalady.
«О́ndiristiń úzdik jas mamany» – jumys ótili 5 jyldan aspaıtyn, eń belsendi jáne eńbekqor óndiris jumyskeri tańdalady.
Baıqaýdyń oblystyq kezeńi shilde aıynda aıaqtaldy. Bıyl jergilikti atqarýshy organdar 17 oblys pen respýblıkalyq mańyzy bar 3 qaladan 505 ótinishti qabyldap, respýblıkalyq kezeńinde óz óńirlerin qorǵaıtyn 60 jeńimpaz irikteldi.
Baıqaý jeńimpazdaryn EHÁQM janyndaǵy respýblıkalyq komıssııa anyqtaıdy. Komıssııa quramyna vedomstvo ókilderi, Parlament depýtattary, áleýmettik seriktestikter, «Qazaqstannyń et-sút odaǵy» ZTB jáne Qazaqstan qurylysshylar qaýymdastyǵynyń ókilderi kiredi.
«Eńbek joly» baıqaýynyń jeńimpazdaryn marapattaý rásimi jeltoqsan aıynda Jumysshy mamandyqtary jylynyń jabylýyna arnalǵan sharada ótedi dep josparlanyp otyr.
