Bul sheshim oqý ornynyń akademııalyq jáne ǵylymı derbestigin keńeıtýge, qosymsha resýrstar men úzdik ǵalymdardy tartýǵa, halyqaralyq bilim berý keńistigindegi pozısııasyn nyǵaıtýǵa múmkindik beredi. Sondaı-aq ınnovasııalyq baǵdarlamalardy engizý, ozyq ǵylymı zertteýler júrgizý jáne básekege qabiletti mamandar daıarlaý baǵytynda jańa múmkindikter ashady.
Endi oqý ornynyń ataýy – akademık E.A. Bóketov atyndaǵy Qaraǵandy ulttyq zertteý ýnıversıteti. Ol elimizdegi ulttyq mártebege ıe bolǵan 18-shi ýnıversıtet atandy.
Qaraǵandy oblysynyń ákimi Ermaǵanbet Bólekpaev joǵary oqý orny ujymyn aıtýly oqıǵamen quttyqtady.
– Bizdiń ýnıversıtet osyndaı mártebege ıe bolǵan eldegi on segizinshi oqý orny boldy. Bul – jetistikterdiń joǵary baǵalanýy ǵana emes, sonymen birge ǵylym, bilim jáne kásibı ósim úshin jańa kókjıekter. Ýnıversıtet ujymyn jáne stýdentterin osy mańyzdy oqıǵamen shyn júrekten quttyqtaımyn, – dedi ol.
Jańa mártebe ýnıversıtettiń otandyq ǵylym men bilimniń damýyna qosqan aıryqsha úlesiniń moıyndalýy bolyp otyr.
Atalǵan oqý ornynyń tarıhy 1938 jyldan bastaý alady. Ol kezde pedagogıkalyq ınstıtýt retinde ashylǵan bolatyn. 1972 jyly ýnıversıtet mártebesi berildi. Sol kezde Qazaqstanda tek eki ýnıversıtet – QazMÝ men QarMÝ ǵana boldy, qalǵan joǵary oqý oryndary ınstıtýt sanatynda edi.
О́tken jyly ýnıversıtet zertteý ýnıversıteti mártebesin alǵan edi.
