foto: ashyq derekkóz
Atyraý qalalyq №2 sotynyń aqparatyna qaraǵanda, shet memlekettiń aýmaǵyndaǵy qarýly qaqtyǵystarǵa qatysqan úshin S.-ǵa Qylmystyq kodekstiń 172-babymen aıyp taǵylǵan.
«Atyraý qalasynyń turǵyny S. Qazaqstan Respýblıkasynyń azamaty bola tura, 2024 jyldyń naýryz aıynyń sońynda Máskeýge kelip, Reseı Federasııasynyń ýákiletti organdarymen erikti túrde áskerı qyzmet ótkerý týraly kelisimshart jasasqan. Qysqa merzimdi oqýdan keıin kıim-keshek alyp, tank polkiniń quramynda áskerı dáriger retinde Donesk oblysynda qarýly qaqtyǵystarǵa zańsyz qatysqan. 2024 jyldyń jeltoqsanynda qarýly qaqtyǵys kezinde jarylǵysh qurylǵy jarylyp, synyq jaraqatyn alǵan. Emdelý úshin áskerı gospıtalge jatqyzylǵan», dep habarlady atalǵan sottan.
Prokýror S.-ǵa 6 jyl merzimge bas bostandyǵynan aıyrý túrindegi jazany taǵaıyndaýdy usyndy. Al sottalýshy kinásin tolyq moıyndap, bas bostandyǵynan aıyrýmen baılanysty emes jaza taǵaıyndaýdy surady.
Sot úkimimen sottalýshy S.-ǵa 5 jyl merzimge bas bostandyǵynan aıyrý jazasy taǵaıyndaldy.
Sot úkimi zańdy kúshine engen joq.
