О́ńirge ekonomıst, zańger, esepshi, psıholog, kólik júrgizýshisi, defektolog, qazaq, orys, aǵylshyn tilderiniń muǵalimderi, aspaz, naýbaıshy, jún suryptaýshy, saýda menedjeri qajet. Jastarǵa arnalǵan jármeńke ótkiziletini týraly áleýmettik jeli men memlekettik mekemeler saıtyna birneshe kún buryn habarlandyrý berildi.
Tuńǵysh Prezıdent atyndaǵy saıabaqta ótken is-sharaǵa jastardan ózge ózin-ózi jumyspen qamtyp júrgen azamattar, múmkindigi shekteýli jandar, boryshkerler, probasııa esebinde turǵandar da keldi. Jumys berýshiler qatarynda «Qazhrom» TUK» AQ, «Aqtóbe mys kompanııasy», «Aqtóbe hrom qosyndylary zaýyty», «Qazaqstandyq munaı jabdyqtaryn shyǵaratyn zaýyt», «№3 áleýmettik qyzmet kórsetý ortalyǵy» KMM, «KazFelTec» JShS, «Atameken» stýdenttik qurylys otrıadtary birlestigi, «Jasyl el» jasaǵy, qaladaǵy №83, №59 orta mektep ókilderi boldy.
«Bıyl Aqtóbe qalasynda bos jumys oryndary jármeńkesi osymen jetinshi ret ótkizildi. Sonyń nátıjesinde 427 turǵyn jumysqa ornalassa, onyń 108-i – jastar. Is-sharaǵa jumys berýshi mekemeler ókilderi men jumyssyz azamattar kóptep qatysty. Mundaı ekijaqty júzdesýler óte tıimdi. О́ıtkeni óndiris oryndary ókilderi naryqtaǵy suranysqa ıe mamandyqtar, kásibı biliktilikti kóterý, qaıta daıarlyqtan ótý, áleýmettik kómek túrleri týraly kelýshilerge jan-jaqty aqparat beredi. Osy joly jastar tájirıbesi, alǵashqy jumys orny, aǵa urpaq tájirıbesi sııaqty sheberlik sabaqtary da usynylyp, Memlekettik qyzmet isteri agenttiginiń Aqtóbe oblysy boıynsha departamenti ókilderi memlekettik qyzmetshi bolýǵa yntalanǵan jastarǵa aqparattyq-túsindirý jumystaryn júrgizdi», deıdi Aqtóbe qalasy Mansap ortalyǵy fılıalynyń dırektory Aına Myrzataeva».
Aıta ketý kerek, Jumysshy mamandyqtar jyly aıasynda Aqtóbe qalasynda turaqty jumysqa 1473 jas ornalasty. Sonyń ishinde, áleýmettik jumys oryndaryna 37, jastar tájirıbesine – 122, qoǵamdyq jumysqa – 116, alǵashqy jumys ornyna – 16, tálimgerlik baǵytymen aǵa býynnyń jas mamandy úıretý jobasyna 4 adam qatysty. «Bastaý-bıznes» jobasymen kásipkerlik negizderin 420 adam oqysa, elektrondy eńbek bırjasy arqyly onlaın oqýǵa 338 jas azamat tartyldy. 46 jumyssyz jas memlekettik qaıtarymsyz grantqa qol jetkizip, kásip bastady».
Qazirde Aqtóbe qalasy boıynsha elektrondy eńbek bırjasy portalynda 2041 bos jumys orny jarııalanǵan.
Aqtóbe oblysy
