Almaty oblysynyń Qapshaǵaı qalasyndaǵy Dańq memorıaly janynda Uly Otan soǵysy qurbandaryn eske alýǵa arnalǵan mıtıng boldy. Oǵan soǵys ardagerleri, áskerı qyzmetkerler men ınternasıonalıst-jaýyngerler, Qazaqstandaǵy Reseı konsýldyǵynyń ókilderi qatysty.
Saltanatty jıynda elimizdiń Kók baıraǵy jelbirep, Ánurany shyrqalǵan soń, Máńgilik alaý oty tutatyldy. Volokolamsk qalasynan arnaıy ákelingen topyraq kapsýlasy belgilengen jerge salynyp, gúl shoqtary qoıyldy.
Jurtshylyq aldyna Almaty oblysy ákiminiń orynbasary Baqtııar О́nerbaev shyǵyp: «Jeńis kúni – bárimiz úshin aıryqsha qymbat, qasıetti mereke. Bul soǵystaǵy jeńiske jetkenimizdi atap ótetin, eń bastysy, beıbitshilikti jaqyndatý úshin jan aıamaı shaıqasyp, qan maıdannan oralmaǵan arystarymyzdy eske alatyn kún. Uly Jeńiske tyl eńbekkerleriniń de qosqan úlesi ólsheýsiz. Aldyńǵy býynnyń ardaqty isin búgingi urpaq laıyqty tabystarmen jalǵastyryp keledi, – dedi. Sodan keıin ol – Almaty qalasynyń túbinde jasaqtalǵan ataqty 316-shy atqyshtar dıvızııasy qan maıdanǵa Máskeý qalasyn jaýdan qorǵaýǵa attandy. Kúshi basym dushpanmen qorǵana otyryp soǵysqan qazaqstandyq erjúrek jaýyngerler Máskeýge taıaý Volokolam aýdany, Dýbosekovo razezinde kishi polıtrýk V.G.Klochkov bastaǵan 28 gvardııashy-panfılovshy sarbazdar álemdi dúr silkindirgen eren erlik kórsetti. Búgin biz dańqty panfılovshy batyr babalardyń rýhy aldyndaǵy perzenttik paryzǵa adaldyq retinde sonaý Reseı jerinen ákelingen bir ýys topyraq pen máńgilik alaý ushqynyn Qapshaǵaı qalasynda qabyldap otyrmyz, – dedi.
Sodan keıin bir mınýttyq únsizdik jarııalandy. Budan ári ádebı kompozısııa jalǵasty.
Sol kúni Almaty oblysy ákiminiń orynbasary Baqtııar О́nerbaev Qarasaı aýdanyndaǵy Uly Otan soǵysy ardageriniń jubaıy, tyl eńbekkeri Dınar-zade Seıdvalıevaǵa «Asyl Arman» turǵyn úı kesheninen jeke páter kiltine qosyp túrli-tústi teledıdar tabys etti. 91 jastaǵy soǵys ardageri súıikti nemeresimen birge Jeńis kúnin qarsy alatyn páterine kirip, Elbasyna jáne qazaqstandyqtarǵa aqjarma alǵysyn aǵytty.
Sondaı-aq, Almaty oblystyq ákimdigi atynan «Qazaqstan» qonaq úıinde maıdangerlerge arnalǵan saltanatty qabyldaý boldy. Onda saltanatty jaǵdaıda «Qurmet» ordeni 104 jastaǵy jetisýlyq Rabat Tegisbaıulyna, «Eren eńbegi úshin» medali Táńirbergen Tolǵanbaev pen Berlibek Ysqaqov bastaǵan 11 maıdangerge tabys etildi. Qarııalarǵa «Qulansaz» folklorlyq-etnografııalyq ansambliniń shaǵyn konserti kórsetildi. Saltanatty shara UOS ardagerleri Máskeý men Astanada ótetin Jeńis paradyna qatysýlary úshin ǵalamat lımýzın bastaǵan avtomobılderge mingizilip, temir-jol vokzalyna deıin qurmetpen shyǵaryp salyndy.
Nurbol ÁLDIBAEV, «Egemen Qazaqstan».
Almaty oblysy.
Saltanatty jıynda elimizdiń Kók baıraǵy jelbirep, Ánurany shyrqalǵan soń, Máńgilik alaý oty tutatyldy. Volokolamsk qalasynan arnaıy ákelingen topyraq kapsýlasy belgilengen jerge salynyp, gúl shoqtary qoıyldy.
Jurtshylyq aldyna Almaty oblysy ákiminiń orynbasary Baqtııar О́nerbaev shyǵyp: «Jeńis kúni – bárimiz úshin aıryqsha qymbat, qasıetti mereke. Bul soǵystaǵy jeńiske jetkenimizdi atap ótetin, eń bastysy, beıbitshilikti jaqyndatý úshin jan aıamaı shaıqasyp, qan maıdannan oralmaǵan arystarymyzdy eske alatyn kún. Uly Jeńiske tyl eńbekkerleriniń de qosqan úlesi ólsheýsiz. Aldyńǵy býynnyń ardaqty isin búgingi urpaq laıyqty tabystarmen jalǵastyryp keledi, – dedi. Sodan keıin ol – Almaty qalasynyń túbinde jasaqtalǵan ataqty 316-shy atqyshtar dıvızııasy qan maıdanǵa Máskeý qalasyn jaýdan qorǵaýǵa attandy. Kúshi basym dushpanmen qorǵana otyryp soǵysqan qazaqstandyq erjúrek jaýyngerler Máskeýge taıaý Volokolam aýdany, Dýbosekovo razezinde kishi polıtrýk V.G.Klochkov bastaǵan 28 gvardııashy-panfılovshy sarbazdar álemdi dúr silkindirgen eren erlik kórsetti. Búgin biz dańqty panfılovshy batyr babalardyń rýhy aldyndaǵy perzenttik paryzǵa adaldyq retinde sonaý Reseı jerinen ákelingen bir ýys topyraq pen máńgilik alaý ushqynyn Qapshaǵaı qalasynda qabyldap otyrmyz, – dedi.
Sodan keıin bir mınýttyq únsizdik jarııalandy. Budan ári ádebı kompozısııa jalǵasty.
Sol kúni Almaty oblysy ákiminiń orynbasary Baqtııar О́nerbaev Qarasaı aýdanyndaǵy Uly Otan soǵysy ardageriniń jubaıy, tyl eńbekkeri Dınar-zade Seıdvalıevaǵa «Asyl Arman» turǵyn úı kesheninen jeke páter kiltine qosyp túrli-tústi teledıdar tabys etti. 91 jastaǵy soǵys ardageri súıikti nemeresimen birge Jeńis kúnin qarsy alatyn páterine kirip, Elbasyna jáne qazaqstandyqtarǵa aqjarma alǵysyn aǵytty.
Sondaı-aq, Almaty oblystyq ákimdigi atynan «Qazaqstan» qonaq úıinde maıdangerlerge arnalǵan saltanatty qabyldaý boldy. Onda saltanatty jaǵdaıda «Qurmet» ordeni 104 jastaǵy jetisýlyq Rabat Tegisbaıulyna, «Eren eńbegi úshin» medali Táńirbergen Tolǵanbaev pen Berlibek Ysqaqov bastaǵan 11 maıdangerge tabys etildi. Qarııalarǵa «Qulansaz» folklorlyq-etnografııalyq ansambliniń shaǵyn konserti kórsetildi. Saltanatty shara UOS ardagerleri Máskeý men Astanada ótetin Jeńis paradyna qatysýlary úshin ǵalamat lımýzın bastaǵan avtomobılderge mingizilip, temir-jol vokzalyna deıin qurmetpen shyǵaryp salyndy.
Nurbol ÁLDIBAEV, «Egemen Qazaqstan».
Almaty oblysy.
