Medısına • 20 Tamyz, 2025

Besterektegi jol apatynan zardap shekken eki bala Astanaǵa jetkiziledi

50 ret

kórsetildi

1 mın

oqý úshin

Abaı oblysynyń Úrjar aýdany Besterek aýylyndaǵy jol-kólik oqıǵasynan zardap shekken eki balany Astana qalasyndaǵy №2 Kóp beıindi qalalyq balalar aýrýhanasyna emdeýge jatqyzý týraly sheshim qabyldanǵan. Bul týraly Densaýlyq saqtaý mınıstrligi habarlady, dep jazady Egemen.kz.

Dana MYRZAQADIR

Besterektegi jol apatynan zardap shekken eki bala Astanaǵa jetkiziledi

Foto: DSM

Pasıentter Ulttyq shuǵyl medısınany úılestirý ortalyǵynyń (UShMÚO) sanıtarııalyq avıasııa bortymen Astanaǵa jetkiziledi.

Bortta balalarǵa UShMÚO reanımatology E. Shaqan, Astana qalasynyń №2 Kóp beıindi qalalyq balalar aýrýhanasynyń travmatology N. Jakıpov jáne Ulttyq neırohırýrgııa ortalyǵynyń (UNHO) neırohırýrgy S. Seıtbekov dárigerler brıgadasy quramy medısınalyq kómek kórsetedi.

Oqıǵa ornynda birden aýdandyq aýrýhanada oblystyq jáne respýblıkalyq deńgeıdegi mamandardan qurylǵan mýltıtártiptik brıgada tolyq dıagnostıkalyq zertteý júrgizip, zardap shekkenderdiń jaǵdaıyn baǵalady jáne jedel emdeý josparyn jasaǵan.

«Bala jaǵdaıynyń turaqsyzdyǵy eskerile otyryp, pasıentterdiń biri – toǵyz jasar qyz bala Abaı oblysynyń bas shtattan tys anestezıolog-reanımatology D. Karımovtyń baqylaýymen jaǵdaıy turaqtalǵanǵa deıin stasıonarda qaldyryldy», delingen mınıstrlik habarlamasynda.

Aıta keteıik, 19 tamyz kúni Abaı oblysynyń Úrjar aýdanynda 55 jastaǵy júrgizýshi kólik tizginine ıe bola almaı 3 balany opat etken edi. Qalǵan 3 bala aýrýhanaǵa jetkizilgen bolatyn.