Tesla kompanııasynyń negizin qalaýshy, álemdegi eń baı adamdardyń biri Ilon Mask buǵan deıin «America Party» atty jańa saıası partııa quratynyn jarııalaǵan edi. Ol eki úlken partııaǵa balama kúsh retinde 2026 jylǵy saılaýǵa qatysýdy kózdegen.
Alaıda iri kásipker bul josparyn keıinge ysyryp, basty nazaryn óz bıznesine aýdarýdy sheshti. Buǵan qosa, Mask Respýblıkalyq partııamen ara-qatynasty buzǵysy kelmeıdi. Sebebi ol Donald Tramptyń serigi, qazirgi vıse-prezıdent Djeı Dı Vensti 2028 jylǵy prezıdenttik saılaýda negizgi úmitker retinde qoldaýǵa daıyn.
Jýrnalısterdiń jazýynsha, sońǵy aptalarda Mask pen Vens birneshe márte kezdesken. Mask endi óz baılyǵyn jańa partııaǵa emes, Venstiń saıası bolashaǵyna jumsaýdy jón kórip otyr.
Aıta keteıik, 2024 jyly Mask Donald Tramptyń saılaýaldy naýqanyna júzdegen mıllıon dollar bólgen bolatyn. Biraq ekeýiniń arasynda keıin kelispeýshilikter týyndady.
Al sarapshylar qazirdiń ózinde Djeı Dı Vensti Tramptyń ornyn basatyn basty úmitker dep sanaıdy. Sońǵy saýalnamalarda ol 2028 jylǵy Respýblıkalyq partııa atynan saılaýǵa qatysýshylardyń kóshbasynda tur.
