Ultymyzdyń qundy múlki retinde moıyndalǵan «Tobyl oıshyly» Qostanaıdyń eń erekshe jádigerleriniń birinen sanalady.
«Tobyl oıshyly» 1976 jyly Tobyl ózeniniń boıynan tabyldy. Ǵalymdar kóne músin osydan 9 myń jyl buryn jasalǵan degen boljam aıtady. Antropomorfty eskertkishtiń túpnusqasy túrli túıirshikti surǵylt-qońyr qumdaqtan qashalǵan. Boıy 20 santımetrden sál ǵana asady. Salmaǵy – 4 kg. Jádiger 2022 jylǵa deıin Qostanaı oblystyq tarıhı-ólketaný mýzeıinde saqtalyp keldi. Qazir Astanadaǵy Ulttyq mýzeıde tur.
Músinniń kóshirmesin jasap shyǵý, ornatý jaǵyn jergilikti «Alpamys Group» qurylys kompanııasy qarjylandyrǵan. Nysannyń mańaıyna jaryq tartylyp, jan-jaǵyna Qostanaı qalasynyń tarıhynan syr shertetin túnde janatyn fotokórme qoıylǵan.
Qala ákimdigi ókilderiniń aıtýynsha, aldaǵy ýaqytta músin mańynda mádenı-tanymdyq is-sharalar ótkiziledi.
Qostanaı oblysy
