Syrdaǵy bastamalarǵa joǵary baǵa berdi

«Bir aı buryn oblysymyz­ǵa Jambyl oblysy ákiminiń orynbasarlary bastaǵan delegasııa kelgen bolatyn. Sol saparda eki­jaqty baılanystyń negizgi máse­leleri talqylan­ǵan edi. Búgin so­nyń jalǵasy retinde Merki aýda­ny­nan kelgen áriptesterimizben kezdesip otyrmyz. Eki óńir aýyl, mal sha­rýashylyǵy, kásipker­lik pen týrızm salalarynda árip­tes­tik ornata alady. Eginshi­lik, et ónimderin óndirý baǵytyn­da da birlesip jumys jasaýǵa múmkindik mol. Qyzylorda ob­lysynyń bıýdjeti 2022 jyly 364 mlrd teńge bolsa, qazir 823 mlrd teńgeden asty. Bul qarajat aımaqtaǵy ózek­ti máselelerdi sheship, tur­ǵyn­­­dar­dyń ómir súrý sapa­syn jaq­sartýǵa, iri ınfraqu­ry­lym­dyq jobalardy iske asyrý­ǵa baǵyttalyp otyr. Bıyl 96 jo­banyń qurylysyna bıýdjetten 166 mlrd 800 mln teńge bólinip, 2022 jylmen salystyrǵanda 8 ese artty. Osy­nyń arqasyn­d­a qurylys ju­mysy boıynsha bizdiń óńir respýblıkada úzdikter qataryn­da keledi», dedi oblys ákimi. Syr boıyna saparmen kelgen delegasııa jetekshisi, Merki aýdanynyń ákimi Erbol Jıenqulov ózderi­ne kórsetil­­gen qurmetke rızashy­lyq bildi­­rip, birlesip jumys at­qa­rýǵa daıyn ekenin jetkizdi.

Sapar aıasynda merkilikter­­ge qala ákimi Nurjan Ahatov oblys ortalyǵyndaǵy birqatar áleý­mettik, mádenı jáne sport­tyq ny­sandardy tanystyrdy. Bıyl ǵana boı kótergen «Syr juldyzdary» ınnovasııalyq-shyǵarmashylyq akademııasy qonaqtardyń kóńilinen shyqty. Qaladaǵy keń kósheniń boıynan oryn tepken akademııa táýligine 3 myń oqýshyǵa deıin qabyldaı alady. Munda basseın, toptyq jattyǵý bólmesi, kórkem gımnastıka jáne fıtnes zaly ornalasqan. Sondaı-aq ústel oıyndaryna arnalǵan kabınet, jekpe-jek, ústel tennısi zaldary bar. 

Kórkemdik-estetıkalyq ba­ǵyt­ta keskindeme, sýret salý, rezın art bólmesi, balalar shy­ǵar­mashylyǵy sheberhanasy, sán­dik-qoldanbaly óner, FabLab, dybys jazý stýdııasy, robotteh­nıka jáne jasandy ıntellekt, bıotehnologııa, 3D modeldeý, KIP jáne avtomattandyrý, kı­bersport jáne matematıka ka­­bınetteri jumys isteıtin orta­lyq­­ty balanyń jan-jaqty da­mýyna jasalyp jatqan qoldaý­dyń aıqyn kórinisi deýge bolady.

Jambyldyq qonaqtarǵa Prezı­dent saıabaǵyndaǵy jań­ǵyrtý jumystary, «Otbasy or­talyǵy», Dostyq úıi ǵıma­ra­ty, «Qyzylorda Arena» sport ke­­sheniniń qurylysy men «О́ner ortalyǵy» tanystyryldy. Meımandar Syrdaǵy tarı­hı shahardyń qazirgi zaman kel­betimen úılesken beınesi men ın­fraqurylymdyq jetis­tik­terdi joǵary baǵala­dy. Qaıta jańǵyrtýdan ótken ortalyq alań­daǵy jańa sáýlettik sheshim­der, jaryqtandyrý júıesi jáne keńeıtilgen demalys aı­maqtary qonaqtar kóńilinen shyqty. 

Táýelsizdikke 25 jyl dań­ǵylyn keńeıtý jumystaryna jaqsy baǵa bergen delegasııa múshelerine 11 myń oryndyq jańa stadıon qurylysyn­da­ǵy ınfraqurylymnyń aýqym­dylyǵy men sáýlettik úılesi­mi unady. Merkilikter «Qan orta­lyǵy» men fızıka-matematıka baǵytyndaǵy lıseı-ınternatyn óńirdiń bilim berý jáne densaý­lyq saqtaý salalaryn damytý­daǵy jańa betbu­rys retinde baǵalady. Oblys­tyq tarıhı-ól­ke­taný mýzeıin­degi óńirdiń baı tarıhy men máde­nı muralarynan Syr­dyń burynǵysy men búgingisi týraly derek aldy.

Syrdarııa aýdanyna qaras­ty Besaryq aýylynda jal­ǵas­­qan saparda aýdan ákimi Berik Sármenbaev delegasııa múshe­lerin aýyldyń áleýmettik-ekono­mıkalyq jáne mádenı nysanda­rymen tanystyryp, júzege asqan jobalar týraly baıandady. Jam­byldyqtar osy saparda Naǵı Ilııa­sov aýylynda da qonaq boldy.

Aýdandaǵy Besaryq pen eli­mizdegi eń úzdiń týrıstik aýyl­dar qataryndaǵy Naǵı Ilııasov aýyly – shaǵyn óndiristik alań­dary bar eldi mekender. Alǵash­qysynda  «Abaı-Dáýlet» serik­tes­tiginiń bas­tamasymen frı zaýyty, «Aýyl amanaty» jobasymen naýbaıha­na, kondıterlik jáne jartylaı da­ıyn ónim sehtary, jumys qol­ǵaby, shulyq, plastık ydys­tar, ­sabyn, aǵash buıymdary ón­diris­teri óz jumysyn bastaǵan.

Al 90-jyldary tozyp, kóp aýylmen birge kúı­reý­­diń az-aq aldynda qalǵan Naǵı Ilııasov el­di mekeniniń qaı­ta eńse tikteýi­ne «Abzal ı K» serik­testigi sep boldy. Qazaq­stan­nyń Eńbek eri Abzal Erálıev basqaratyn kompanııa kú­rish sharýashylyǵyn damytyp, tur­ǵyndardy jumyspen qam­typ otyr. Mesenat aýyl­daǵy máde­nı-áleýmettik ǵıma­rattardy jań­ǵyrtyp, keıbirin jańadan saldy. 

Ozyq aýyldardyń damý úlgi­simen tanysqan qonaqtar tur­ǵyn­dardyń tabysty bastamalaryna rızashylyq bildirdi.

Qyzylorda