Oqıǵa 20 tamyz kúni keshki ýaqytta bolǵan. Abbasqa alańdaǵan kórshisi qońyraý shalyp, jaǵdaıdy baıandaǵan. Onyń páter jaldaýshysy 18-qabattan sekirmek bolǵan beıtanys qyzdy toqtatyp, páterine kirgizgen. Degenmen, áıel adam qyzdyń qaıta áreket etýi múmkin dep alańdaýly edi.
Abbas úıdegi turǵyndar keńesiniń múshesi bolǵandyqtan, beınebaqylaý kameralarynyń jazbasyna qol jetkize alǵan. Jazbalardy qarap otyryp, qyzdyń taǵy da 8-qabatqa kóterilip, balkonda qoshtasý hat jazyp jatqanyn baıqaǵan. Aqyrynda ony 12-qabattan taýyp alǵanda qyz balkonnyń shetinde otyrǵan edi.
Abbas oǵan baıqatpaı jaqyndap, jyly sóılese bastaǵan. Sáti kelgende, qyzdy qushaqtap, qaýipsiz jerge alyp shyqqan. Keıin ýchaskelik ınspektordy shaqyrǵan. Abbas óziniń bul áreketin erlik dep eseptemeıdi.
«Árbir adam ómiri – baǵa jetpes qundylyq. Ol bir-aq ret beriledi, sondyqtan qadirleı bilý kerek. Úlken qaıǵynyń aldyn alǵanyma qýanyshtymyn», dedi ol.
Abbas – «Shabyt» Qazaq ulttyq óner ýnıversıtetiniń «saksofon» mamandyǵy boıynsha bitirgen. 36 jastaǵy Shymkent qalasynyń týmasy 2014 jyldan beri QR Qarýly kúshterinde qyzmet etedi.
