Aqparatty Aqmola oblystyq sotynyń baspasóz qyzmeti rastady. Degenmen, Baıjanovtyń naqty qashan bostandyqqa shyǵatyny týraly resmı aqparat ázirge jarııalanǵan joq.
Eske sala keteıik, 9 shildede Baqytjan Baıjanov Stepnogorsk aýdandyq sotyna ótinish túsirdi. Aıdyń sońynda sot onyń jazasyn qysqartý týraly ótinishin qanaǵattandyrdy.
Baqytjan Baıjanovtyń advokaty Ǵazız Yntyqbaev Baıjanovtyń qazir Stepnogorskidegi ortasha qaýipsizdik mekemesinde jazasyn ótep jatqanyn aıtqan edi. Al onyń aǵasy Qýandyq Bıshimbaev Stepnogorskidegi №5 qaýipsizdigi joǵary mekemesde qamaýda otyr.
Yntyqbaevtyń sózinshe, 2025 jyldyń jazynan bastap onyń qorǵaýshysy shartty túrde merziminen buryn bosatylý jóninde ótinish berýge quqyly. Sondaı-aq advokat Baqytjan Baıjanovtyń Qazaqstanda jarııalanǵan amnıstııaǵa ilinetinin atap ótti. Alaıda ol tolyqtaı qylmystyq jaýapkershilikten bosatylmaıdy.
Eske salaıyq, 23 maýsymda Prezıdent Qasym-Jomart Toqaev Konstıtýsııanyń 30 jyldyǵyna oraı raqymshylyq jarııalaǵan edi. Bul raqymshylyq 15 myńnan astam sottalǵandy qamtıdy.
