Forým qarsańynda, 21 tamyzda, óńirdiń sıfrlyq ınfraqurylymyn keńeıtýge baǵyttalǵan mańyzdy bastamalar iske qosyldy. Atap aıtqanda, uıaly baılanys bazalyq stansııalary jobasynyń ekinshi kezeńine start berildi. Onyń birinshi kezeńi ótken jyldyń jeltoqsanynda iske qosylyp, oblystyń 15 aýylynda turaqty uıaly baılanys qamtamasyz etilgen bolatyn. Inısıatıvany jalǵastyrý maqsatynda Qostanaı oblysynyń ákimi Qumar Aqsaqalov pen Beeline Qazaqstan kompanııasynyń basshylyǵy, sonyń ishinde Raýan Qabdrahımov, telekommýnıkasııalyq ınfraqurylymdy odan ári damytý jónindegi yntymaqtastyq týraly memorandýmǵa qol qoıdy. Oblys basshysy bul jobanyń memleket pen bıznestiń áriptestigi nátıjesinde júzege asyp jatqanyn jáne árbir turǵynnyń ózin biryńǵaı sıfrlyq keńistiktiń bir bóligi retinde sezinýine baǵyttalǵanyn atap ótti.
Sol kúni, 21 tamyzda, Qostanai Hub alańynda startap-qoǵamdastyqqa arnalǵan is-sharalar ótti. Dástúrli Pizza Pitch formatynda jas kásipkerler óz jobalaryn sarapshylar alqasyna jáne ınvestorlarǵa tanystyrdy. Sondaı-aq Forbes «30 under 30» tiziminiń úzdikterimen kezdesý uıymdastyryldy. Olardyń arasynda EasyTap platformasynyń negizin qalaýshy Mazgum Tolesh, Sporttyq baǵdarlamalaý federasııasynyń bas hatshysy Adına Magavına jáne IGPS Tech kompanııasynyń teńqurýshysy Mıras Baıjigit bar. Bul bastamalar óńirlik tehnoparktyń ınnovasııalar men IT-qoǵamdastyqty qoldaýdaǵy mańyzyn aıqyndady.
Forýmnyń negizgi bóligi 22 tamyzda KIA Qazaqstan zaýytynda ótti. Munda óńir kásiporyndarynyń sıfrlyq sheshimder men jasandy ıntellekt salasyndaǵy ázirlemeleri usynylǵan tehnologııalyq kórme uıymdastyryldy.
Plenarlyq otyrysty qazaqstandyq sarapshy Rahym Oshaqbaev ashty. Talqylaýlarda jasandy ıntellektini damytý jáne sıfrlandyrýdyń negizgi máseleleri qaraldy. Oblys ákimi Qumar Aqsaqalov óńirde birqatar baǵyttar boıynsha jasandy ıntellektiniń is júzinde qoldanylyp jatqanyn atap ótti. Jumys Memleket basshysy Úkimettiń jaqynda ótken keńeıtilgen otyrysynda qoıǵan – jasandy ıntellektini óńirlerde belsendi engizý jónindegi tapsyrmalaryna sáıkes júzege asyrylýda. Sonymen qatar, ol agroónerkásiptik keshende «aqyldy fermalar» tujyrymdamasyn iske asyrýdy jáne turǵyn úı-kommýnaldyq sharýashylyqta jylý jelileriniń qubyrishilik dıagnostıkasy sııaqty tehnologııalardy qoldanýdy qamtıtyn basym baǵyttardy aıqyndady. Ákimniń aıtýynsha, Qostanaı oblysy ınvestorlar men IT-kompanııalardyń nazaryn aýdaryp otyr jáne ınnovasııalar salasynda kóshbasshy óńirlerdiń birine aınalýǵa áleýeti jetkilikti.
Plenarlyq otyrysta halyqaralyq jáne ulttyq sarapshylar sóz sóıledi. Qazaqstandaǵy EO elshisi Aleshko Sımkıch 2025 jyldyń 1 tamyzynda kúshine engen Eýropalyq Odaqtyń Jasandy ıntellekt týraly jańa zańyna sholý jasap, bet-álpetti taný, predıktıvti taldaý jáne generatıvti tehnologııalar sııaqty júıelerdi retteý qaǵıdalaryn túsindirdi. Sıfrlyq damý vıse-mınıstri Dmıtrıı Mýn Astana Hub tehnoparkiniń jáne onyń Qostanaıdaǵy fılıaly – Qostanai Hub-tyń mańyzyn atap ótip, Startup Garage baǵdarlamasy aıasynda Qostanaı oblysy ótinim sany boıynsha elde úshinshi oryn alǵanyn habarlady. «Astana» halyqaralyq qarjy ortalyǵynyń basqarýshysy Renat Bekturov sıfrlyq, «jasyl» jáne tehnologııalyq jobalarǵa sheteldik ınvestısııa tartý tetikterin aıqyndady.
Telekommýnıkasııa salasynyń perspektıvalary týraly «Qazaqtelekom» AQ basqarma tóraǵasy Baǵdat Mýsın aıtyp, ulttyq beınemonıtorıng júıesi, AI-Mektep bilim berý platformasy, orman órtin erte anyqtaýǵa arnalǵan drondar men jasandy ıntellekt tehnologııalary boıynsha bastamalardy tanystyrdy. KIA Qazaqstan zaýytynyń bas dırektory Kım De Kı óndiriste shamamen 70 ónerkásiptik robotty engizý josparyn jarııalap, avtomattandyrý deńgeıi men ónim sapasyn turaqty qamtamasyz etýge múmkindik beretinin jetkizdi. METOS kompanııasynyń ókili Sergiu Smocinschi zamanaýı eginshilikte sıfrlyq derekterdiń mańyzyn, olardyń ósimdik aýrýlaryn boljaýda jáne avtonomdy tehnıkany qoldanýdaǵy rólin atap ótti. Qazaqstandaǵy IT-kompanııalar qaýymdastyǵynyń prezıdenti Irına Sýlımenko mal sharýashylyǵynda jasandy ıntellektini qoldanýdyń tájirıbesimen bólisip, janýar aǵzasyna engiziletin sensorlar negizinde fermerlerge aldyn alý usynymdaryn jiberetin «sıfrlyq veterınar» júıesin mysalǵa keltirdi. О́z sheshimin Mazgum Tolesh te tanystyryp, bólshek saýda jáne HoReCa sektory úshin saǵattyq qyzmetkerlerdi izdeýge arnalǵan EasyTap onlaın-servısin usyndy.
Qostanai Investment Forum 2025 óńirdiń sıfrlyq transformasııa baǵdarlamasyn iske asyrýdaǵy mańyzdy kezeń boldy. Shara Qostanaı oblysynyń sıfrlyq sheshimderdi belsendi engizip qana qoımaı, startaptar men ınvestorlarǵa arnalǵan tolyqqandy ekojúıe qalyptastyryp jatqanyn kórsetti jáne jalpyulttyq damý basymdyqtaryna sáıkes ınnovasııalar men tehnologııalar salasynda aldyńǵy qatarly pozısııalardy ıelenýge umtylysyn aıqyndady.
