Akademııada Qazaqstannyń ár óńirinen iriktelgen 120 jas fýtbolshy ıspan fýtbolynyń ádistemesi boıynsha daıyndalady. Oqýshylardy tańdaýda olardyń fızıkalyq daıyndyǵymen qatar psıhologııalyq qabiletterine de mán berilmek.
Akademııa zamanaýı ınfraqurylymmen qamtylǵan. Onda jattyǵý alańdary, dene shynyqtyrý zaldary jáne teorııalyq sabaqtarǵa arnalǵan aýdıtorııalar bar. Jasóspirimderdiń bir bóligi grant negizinde bilim alsa, qalǵandary aqyly túrde oqıdy.
2026 jyldan bastap akademııa tárbıelenýshileri el chempıonattaryna, sondaı-aq QJ-lıgasy men halyqaralyq týrnırlerge qatysady. Aldaǵy ýaqytta nysan aýmaǵynda qosymsha bes fýtbol alańyn salý josparlanǵan. Sarapshylardyń aıtýlarynsha, «Atletıko Madrıd» akademııasynyń ashylýy Qazaqstandaǵy jasóspirimder fýtbolynyń damýyna serpin beredi.
