Balalarǵa onlaın-alaıaqtyqtyń eń kóp taralǵan tásilderi týraly aıtylyp, kıberqylmyskerlerdiń qurbanyna aınalmaýdyń praktıkalyq joldary túsindirildi. Ásirese áleýmettik jelilerdegi qaýipsizdikke erekshe kóńil bólindi: qupııalylyqty durys baptaý, jeke derekterdi taratpaý, beıtanys adamdarmen hat jazyspaý jáne onlaın qarym-qatynasta saq bolý qajettigi eskertiledi.
Kezdesýdiń jeke bir bóligi ınternet-býllıng máselesine arnaldy. О́ıtkeni jelidegi qorqytý men kemsitý shynaıy ómirdegideı qaýip tóndiredi. Sondyqtan mundaı jaǵdaıdy jasyryp qalmaı, mindetti túrde eresekterge, ata-anaǵa nemese muǵalimge aıtý mańyzdy. Al eger jaǵdaı kúrdeli sıpat alsa, dereý polısııaǵa «102» nómiri arqyly habarlasý qajet.
Quqyq qorǵaýshylardyń aıtýynsha, sıfrlyq qaýipsizdik – árbir adamnyń jaýapkershiligi. Ýaqtyly alynǵan bilim balalarǵa vırtýaldy keńistikte ózderin senimdi ári qorǵalǵan sezinýge múmkindik beredi.
