Foto: Eńbek jáne halyqty áleýmettik qorǵaý mınıstrligi
AMJ alýǵa quqyly azamattardyń 17 sanaty QR zańnamasymen belgilengen. Olardyń qatarynda ekinshi dúnıejúzilik soǵysynyń ardagerleri men basqa memleketterdiń aýmaǵynda ótken áskerı is-qımyldarǵa qatysqan ardagerler, atalǵan soǵystyń ardagerlerine teńestirilgen azamattar jáne qaza tapqan jaýyngerlerdiń áıelderi men mert bolǵan áskerı qyzmetkerlerdiń otbasy músheleri, «Halyq qaharmany», «Qazaqstannyń Eńbek Eri» ataqtaryna ıe bolǵandar, tyl eńbekkerleri, Chernobyl atom elektr stansııasyndaǵy apattyń saldaryn joıýǵa qatysqandar, saıası repressııalardyń qurbandary, múgedektigi bar adamdar nemese zeınetkerler, QR aldyndaǵy erekshe eńbegi úshin zeınetaqy taǵaıyndalǵandar jáne basqa da azamattar.
Eńbek jáne halyqty áleýmettik qorǵaý mınıstrliginiń málimetinshe járdemaqy mólsheri alýshynyń sanatyna baılanysty jáne 2,13-ten 138,63 aılyq eseptik kórsetkishke (ári qaraı – AEK) deıin ózgeredi. Arnaıy memlekettik járdemaqy mólsheri jyl saıyn AEK mólsheriniń artýyna baılanysty, respýblıkalyq bıýdjet týraly zańda belgilengen tártip boıynsha kóterilip otyrady.
QR-nda turaqty turatyn sheteldikter men azamattyǵy joq tulǵalar da QR azamattarymen teń dárejede arnaıy memlekettik járdemaqy alýǵa quqyly. AMJ taǵaıyndaý úshin ótinishti eGov.kz portaly arqyly nemese halyqqa qyzmet kórsetý ortalyqtarynda berý kerek.
Aıta ketken jón, eger azamat birneshe negiz boıynsha AMJ alýǵa quqyly bolsa, járdemaqy tek olardyń bireýi boıynsha, óz tańdaýy eskerilip tólenedi.
