«Qarasora-2025» jedel-profılaktıkalyq is-sharasy aıasynda Jambyl oblysy polısııa departamentiniń esirtki qylmysyna qarsy is-qımyl basqarmasy qyzmetkerleri QR Ishki ister mınıstrliginiń esirtki qylmysyna qarsy is-qımyl komıtetiniń úılestirýimen jáne Ulttyq ulannyń №5514 áskerı bóliminiń áskerı qyzmetshileriniń qatysýymen arnaıy operasııa ótkizdi.
Shý aýdanynyń qumdy aımaǵynda jedel aqparatty júzege asyrý kezinde eki jergilikti turǵyn qolǵa tústi. Jerdi tekserý barysynda erekshe ıisi bar ósimdik tektes zat saqtalǵan shatyr anyqtalyp, aıǵaq zat retinde tárkilendi.
«Sot-hımııalyq saraptama qorytyndysyna sáıkes, tárkilengen zattyń jalpy salmaǵy 206 keli 220 gramm keptirilgen marıhýana ekeni belgili boldy», delingen habarlamada.
Atalǵan derek boıynsha QR Qylmystyq kodeksiniń 297-baby 3-bóligine (Esirtki quraldaryn nemese psıhotroptyq zattardy ótkizý maqsatynda zańsyz alý, saqtaý, tasymaldaý, jóneltý ne ótkizý) sáıkes sotqa deıingi tergep-tekserý bastaldy.
Ustalǵandar ýaqytsha ustaý ızolıatoryna qamaldy, tergeý amaldary júrgizilip jatyr.
